فرمان الہی
نماز کے اوقات
کراچی(اسٹاف رپورٹر) سائٹ بی کے علاقے ہارون آباد واٹر پلانٹ کے قریب گاڑی کی ٹکر سے موٹرسائیکل سوار 30سالہ امان اللہ بلوچ جاں بحق ہوگیا، کورنگی ساڑھے 3نمبر میں عمارت کے تیسرے فلور سے مبینہ طور پر گر کر 44سالہ محمد رفیق جاں بحق ہوگیا، پولیس کے مطابق واقعہ کی تفتیش کی جا رہی ہے،لانڈھی قذافی ٹائون ریلوے ٹریک پر ٹرین کی زد میں آکر 43 سالہ نامعلوم شخص جاں بحق ہوگیا،پولیس نے کارروائی کے بعد لاش سردخانے منتقل کرادی،علاوہ ازیں غازی گوٹھ میں گھر سے ملنے والی 18سالہ محمد صغیر ولد عبدالرشید کی پھندا لگی لاش عباسی شہیداسپتال لائی گئی ،پولیس کے مطابق متوفی ایک ہوٹل میں کام کرتا تھا،اہلخانہ کا کہناہے کہ متوفی گھر والوں سے کسی بات پر ناراض تھا ، دلبرداشتہ ہوکر مبینہ خودکشی کی ہے ،سائٹ سپر ہائی وے صنعتی ایریا دلدار عمرانی گوٹھ میں گھر سے ملنے والی 48 سالہ شاہ عالم ولد اول خان کی کئی روز پرانی پھندا لگی لاش عباسی شہید اسپتال منتقل کی گئی ، تعفن اٹھنے پر اہل محلہ نے پولیس کو اطلاع دی تھی ،پولیس کے مطابق متوفی گھر میں اکیلا رہتا تھا اور نشے کا عادی تھا ، ابتدائی تفتیش میں معلوم ہوا کہ واقعہ مبینہ خودکشی ہوسکتا ہے تاہم پوسٹ مارٹم رپورٹ کے بعد وجہ موت کا تعین ہوسکے گا ، دریں اثنا لیاری جہان آباد لاشاری محلہ عثمانیہ مسجد کے قریب فٹ پاتھ سے ملنے والی 35سالہ نامعلوم نشے کے عادی شخص کی لاش سردخانے منتقل کی گئی،گلشن اقبال ضیا کالونی گلی نمبر 15 کے قریب واقع گھر سے کئی روز پرانی67 سالہ محمد لقمان خان کی تعفن زدہ لاش برآمد ہوئی جسے اسپتال منتقل کیا گیا ،شاہ فیصل کالونی کے علاقے ڈرگ روڈ کینٹ بازار چرچ والی گلی میں واقع گھر سے دو روز پرانی تعفن زدہ 42 سالہ شہباز کی لاش ملی جو گھر میں اکیلا رہائش پذیر اور نشے کا عادی تھا۔
