• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ بلوچستان کا ”جرگہ“ میں انٹرویو، گلوکار ندیم عباس ”ایک دِن جیو کے ساتھ“ ، سینئر اداکار توثیق حیدر کی ”ہنسنا منع ہے“ آمد

آج کا اخبار
اہم خبریں
17 نومبر ، 2024
کراچی (جنگ نیوز) وزیر اعلیٰ بلوچستان میر سرفراز بگٹی کا خصوصی انٹرویو اتوار کو ”جیونیوز“ کے پروگرام ”جرگہ“ میں نشر کیا جائے گا۔ اس انٹرویو میں بلوچستان کی تازہ ترین صورتحال اور ملک کے سیاسی حالات پر تفصیلی گفتگو ہوگی۔ سینئر صحافی و تجزیہ کار سلیم صافی کی میزبانی میں ”جرگہ“ شب 10بجکر5 منٹ پر نشر کیا جائے گا۔ معروف فوک گلوکار ندیم عباس لونے والا نے کہا ہے کہ ماہیئے اور فوک میوز ک سے بہت پذیرائی ملی ہے۔ تنہائی میں آنسو میرے بہترین دوست ہوتے ہیں۔ میں نے چار نہیں دو شادیاں کی ہیں۔ اپنے زیادہ تر گانوں کی شاعری بھی خود کرتا ہوں۔ اُنہوں نے بتایا میں آٹو ٹیون سافٹ ویئر کے خلاف نہیں ہوں۔ تفصیلی گفتگو ناظرین ”جیونیوز“ کے پروگرام ”ایک دِن جیو کے ساتھ“ میں اتوار کی شام 7بجکر5منٹ پر دیکھ سکیں گے۔میزبان سہیل وڑائچ ہیں۔ ٭پاکستان ٹیلی ویژن کے نامور اور سینئر اداکار توثیق حیدر کا کہنا ہے کہ یہ سچ ہے میں نے ابھی تک شادی نہیں کی۔ وہ ”جیونیوز“ کے شو ”ہنسنا منع ہے“ میں گفتگو کررہے تھے۔ نامور اداکار نے اپنی نجی زندگی اور شوبز مصروفیات کے حوالے سے گفتگو گی۔ اُن کے ساتھ نوجوانوں نے بھی مزیدار سوال پوچھے۔ طنز و مزاح سے بھر پور شو تابش ہاشمی کی میزبانی میں رات11بجکر5منٹ پر نشر ہوگا۔
اہم خبریں سے مزید