• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرسمس کی وجہ سے ملازمت کے نئے مواقع، بھرتیاں جاری

آج کا اخبار
یورپ سے
25 نومبر ، 2024
لندن (پی اے) کرسمس کی وجہ سے ملازمت کے نئے مواقع پیدا ہو رہے ہیں اور دکاندار اور سپر مارکیٹس میں کرسمس کے رش سے نمٹنے کیلئے عارضی بھرتیاں جاری ہیں۔ ایک اندازے کے مطابق ریٹیل، کیٹرنگ، ریسٹورنٹس اور تعمیراتی شعبوں میں کم وبیش ملازمتوں کے کم وبیش 23,000مواقع پیدا ہوئے ہیں جبکہ اکتوبر میں ملازمت کے مواقع میں معمولی کمی دیکھنے میں آئی تھی۔ اشتہار میں بتائی جانے والی تنخواہ گزشتہ 5ماہ کے مقابلے میں زیادہ اور 39,000پاؤنڈ سے زیادہ ہے تا ہم اطلاعات کے مطابق فی الوقت ہر اسامی کے لئے 2 امیدوار قطار میں کھڑے نظر آرہے ہیں۔ گزشتہ ایک سال کے مقابلے میں اس وقت سیلز اسسٹنٹس اورگودام میں کام کرنے والوں کی طلب زیادہ ہے۔ سال کی دوسری ششماہی میں معیشت کی بحالی اور استحکام نظر آرہا ہے، ملازمتوں کے مواقع کے اعتبار سے اکتوبر گزشتہ 6 ماہ میں سب سے زیادہ بہتر رہا، کرسمس کی شاپنگ کے سیزن کے پیش نظر بہت سے دکانداروں نے تیاریا ں شروع کررکھی ہیں اور مختلف شعبوں میں لوگوں کی بھرتی کی جا رہی ہے۔
یورپ سے سے مزید