• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گن پوائنٹ پر شہریوں کو لوٹنے کی وارداتیں جاری، موبائل فونز، نقدی چھین لی گئی

میرا شہر
اسلام آباد
27 نومبر ، 2024
راولپنڈی (سٹاف رپورٹر) راولپنڈی کے مختلف علاقوں میں شہری 2گاڑیوں 16موٹر سائیکلوں ،طلائی زیورات ،موبائل فونز اور نقدی وغیرہ سے محروم ہوگئے ،8افراد سے جھپٹا مار کران کے موبائل چھین لئے گئے ۔ تھانہ صادق آباد کے علاقہ میں 2موٹرسائیکل سوار راشد علی سے موبائل، شناختی کارڈ،اے ٹی ایم کارڈاوراس کے دوست وقار علی سے 26سو روپے اور اے ٹی ایم کارڈ ، صادق آباد میں 3موٹرسائیکل سوار فیصل سرفراز سے 2موبائل اور طلائی انگوٹھی ، 4 نامعلوم ملزمان عبدالوسع سے موٹر سائیکل ماڈل 2024،تھانہ ویسٹریج کے علاقہ پشاور روڈ پر4نامعلوم ملزمان چھری کی نوک پر ارسلان سے موبائل اور 10ہزار روپے ،تھانہ آراے بازار کے علاقہ ٹینچ بھاٹہ میں اعجاز گل عسکری بنک آخری سٹاپ کے اے ٹی ایم سے رقم نکلوارہاتھاکہ 2 نامعلوم ملزمان اندرداخل ہوئے اور 95ہزار روپے چھین کر فرار ہوگئے ، تھانہ ائرپورٹ کے علاقہ ڈھوک چودھریاں میں 2موٹرسائیکل سوار عمران سے موبائل ،تھانہ ٹیکسلاکے علاقہ ایچ ایم سی روڈ پر ٹریننگ انسٹیٹیوٹ سے دو نامعلوم ملزمان5 موبائل اور3 لیب ٹاپ ،تھانہ صدرواہ کے علاقہ واہ ماڈل ٹاؤن میں 3موٹرسائیکل سوار خالد محمود ساڑھے چار لاکھ روپے اورسامان مالیتی ساڑھے سات ہزار روپے ،تھانہ جاتلی کے علاقہ میں محمد خلیل اپنی بیوی کے ہمراہ موٹر سائیکل پر آرہاتھاکہ موٹرسائیکل پر سوار 3 ملزمان نے انہیں روک کر ایک لاکھ 25ہزار روپے،شناختی کارڈ اور موبائل اور موٹرسائیکل ،تھانہ دھمیال کے علاقہ لکھن میں 2موٹرسائیکل سوار محمد نعیم سے موبائل ، 17 ہزار رو پے ،سر و س کا رڈ اور شناختی کا رڈ ،تھانہ روات کے علاقہ بحریہ فیز8میں 3موٹرسائیکل سوار علی احمد سے موٹر سائیکل اپلائڈ فاراور اس کی بیوی سے موبائل فون اور 20 ہزار روپے چھین کر فرارہوگئے۔ وارداتیں اسلحہ کی نوک پر ہوئیں۔ چوری کی دیگر وارداتوں میں شہری نقدی، زیورات وغیرہ سے محروم ہو گئے۔
اسلام آباد سے مزید