• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایکسچینج کمپنیوں کیلئے نئے ریگولیٹری فریم ورک کا اعلان

آج کا اخبار
ملک بھر سے
29 دسمبر ، 2024
کراچی (آئی این پی) اسٹیٹ بینک آف پاکستان نے تمام ایکسچینج کمپنیز کیلئے نئے ریگولیٹری فریم ورک کااعلان کردیا۔اسٹیٹ بینک کی جانب سے جاری اعلامیہ کے مطابق ایکسچینج کمپنیز کا پیڈ اپ کیپیٹل بڑھا کر ایک ارب روپے کردیا گیا ہے۔ اسٹیٹ بینک کی منظوری کے 3ماہ کے اندر ایکسچینج کمپنیز کو کاروبار کا آغاز کرنا ہوگا۔ ایکسچینج کمپنیاں لائسنس یا آٹ لیٹس اب کسی اور ادارے کو منتقل نہیں کرسکیں گی۔ ایکسچینج کمپنی کی معطلی یا منسوخی کے بعد 60 روز میں فارن کرنسی اسٹیٹ بینک میں جمع ہوگی۔اسٹیٹ بینک کے مطابق ایکسچینج کمپنی کو لازمی نقد کی صورت میں پیڈ اپ کیپیٹل رکھنا ہوگا۔ پیڈ اپ کیپیٹل قوانین پر مکمل عملدرآمد 2027 تک کرنا ہوگا۔ ملک بھر کی تمام ایکسچینج کمپنیز کا پیڈ اپ کیپیٹل مرحلہ وار بڑھے گا۔ ایکسچیبج کمپنیز کو دسمبر 2025 تک 60کروڑ اور دسمبر2026 تک 80 کروڑ روپے پیڈ اپ کیپیٹل برقرار رکھنا ہوگا۔
ملک بھر سے سے مزید