• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باکو میں پنجاب ٹریڈ آفس کا قیام عمل میں لایا جائے گا،چوہدری شافع حسین

میرا شہر
پشاور
29 دسمبر ، 2024
پشاور ( جنگ نیوز)صوبائی وزیر صنعت و تجارت چوہدری شافع حسین سے آذربائجان کی انٹرنیشنل سرمایہ کار کمپنی کے وفد نے ملاقات کی۔وفد کی قیادت گروپ کے چیئرمین مسٹر بابک کر رہے تھے۔پنجاب اسمبلی میں صوبائی وزیر کے آفس میں ہونے والی ملاقات کے دوران پنجاب میں سرمایہ کاری کے مواقع اور زرعی اجناس کی برآمد پر بات چیت ہوئی۔ صوبائی وزیر نے وفد کو پنجاب کے مختلف شعبوں میں سرمایہ کاری کے امکانات سے بھی آگاہ کیا۔ صوبائی وزیر صنعت و تجارت چوہدری شافع حسین نے وفد سے گفتگو کرتے ہوئے کہا کہ پنجاب سرمایہ کاری بورڈ کے زیر اہتمام باکو میں پنجاب ٹریڈ آفس کا قیام عمل میں لایا جائے گا اور پنجاب ٹریڈ آفس کے قیام سے پاکستان اور آذربائجان کے تجارتی تعلقات مستحکم ہوں گے۔صوبائی وزیر نے باکو میں پنجاب ٹریڈ آفس کے قیام کے لئے تیزی سے اقدامات کی ہدایت کی اور کہا کہ سلاٹر ہاؤس کے حوالے سے وفد کی سیکرٹری لائیو سٹاک سے ملاقات کرائی جائے گی۔چوہدری شافع حسین نے کہا کہ پنجاب زرعی صوبہ ہے،زرعئی اجناس کی برآمدات کے حوالے سے آذربائجان کے گروپ کے ساتھ تعاون کیا جائے گا۔ چئیرمین گروپ مسٹر بابک نے اس موقع پر گفتگو کرتے ہوئے کہا کہ ہمارا گروپ پنجاب سے آذربائجان کو گوشت،کپاس،چاول اور ایل پی جی گیس کی برآمد میں دلچسپی رکھتا ہے، گروپ نے پنجاب سرمایہ کاری بورڈ کے زیر اہتمام باکو پنجاب ٹریڈ آفس کھولنے کی پیشکش بھی کی اور پیمکو کے زیر انتظام سلاٹر ہاؤس کی لیز آؤٹ میں بھی دلچسپی کا اظہار کیا۔پنجاب سرمایہ کاری بورڈ کے ڈائریکٹر ڈاکٹر عمران ہاشمی اور گروپ کے دیگر افراد بھی ملاقات میں موجود تھے۔دریں اثناء صوبائی وزیر صنعت و تجارت چوہدری شافع حسین نے ثاقب رحمان کو پنجاب سرمایہ کاری بورڈ کا ایگزیکٹو ممبر مقرر کردیا ۔اس حوالے سے نوٹیفیکیشن جاری کر دیا گیا
پشاور سے مزید