فرمان الہی
نماز کے اوقات
اسلام آباد ( ایوب ناصر ،خصوصی نامہ نگار) وفاقی دارالحکومت میں رہائش پذیر 12 ہزار 400 سے زائد افغانیوں کا ریکارڈ مرتب کر لیا گیا، غیر قانونی طور پر مقیم 92غیر ملکیوں کو انکے ملک روانہ کردیاگیاہے52انٹیلیجنس بیسڈ آپریشنز میں 46 مشکوک افراد کو گرفتارکیا گیا، آئی جی اسلام آباد سید علی ناصر رضوی نے بطور کمانڈر اسلام آباد پولیس سی ٹی ڈی اسلام آباد میں متعدد اصلاحات کیں جن کی بدولت سی ٹی ڈی کی کارکردگی میں بہتری آئی، 2024 میں ضلع بھر میں 141سرچ آپریشنزکئےگئے، 9378 گھروں، 12427مشکوک افراد، 4966 مشکوک موٹر سائیکل چیک کئے گئے، بغیر کاغذات 201موٹرسائیکل، 17گاڑیاں تھانوں میں بند کی گئیں، مختلف بور کا 219اسلحہ، 1593 روند 139 میگزینز ۔ 202بوتلیں شراب، 3 کلو865 گرام ہیروئن، 3200گرام چرس، 710گرام آئس برآمد کی گئیں، انٹیلیجنس بیسڈ آپریشنز کے دوران 1480 گرام دھماکہ خیز پاوڈر، 10 ڈیٹونیٹرز، 11 فٹ سیفٹی فیوز تار، 2 پریما کارڈ، 8 گرنیڈ، 1 مائن سپیس، 1 عدد آئی ای ڈی، 5 پسٹلز، ایک کلاشنکوف اور دھماکہ میں استعمال ہونیوالا دیگر مواد بھی برآمد کیا گیا۔
