فرمان الہی
نماز کے اوقات
سوشل میڈیا پر پاکستانی معروف، خوبرو اداکارہ ماہرہ خان کی اداکار وہاج علی کے ساتھ اسکرین شیئر کیے جانے سے متعلق خبریں زیرِ گردش ہیں۔
جیو انٹرٹینمنٹ کے بلاک بسٹر ڈرامہ سیریل ’تیرے بن‘ میں باصلاحیت اداکارہ یمنیٰ زیدی کے ساتھ اداکاری کے جوہر دکھانے والے وہاج علی آج کل صفِ اول کی اداکارہ و ماڈل مایا علی کے ساتھ ٹی وی اسکرین پر نظر آ رہے ہیں۔
یمنیٰ زیدی اور مایا علی کے ساتھ کام کرنے کے بعد اب وہاج علی کو ٹاپ کلاس پاکستانی اداکارہ ماہرہ خان کے ساتھ دیکھا جائے گا۔
یاد رہے کہ اداکارہ ماہرہ خان کو آخری بار نجی ٹی وی چینل کے ڈرامہ سیریل ’ہم کہاں کے سچے تھے‘ میں دیکھا گیا تھا۔
ڈائریکٹر حسام حسین کی جانب سے کی گئی ایک پوسٹ کے مطابق اب اداکارہ ماہرہ خان کو ایک بار پھر چھوٹی اسکرین پر اداکار وہاج علی کے ساتھ رومانس لڑاتے ہوئے دیکھا جا سکے گا۔
سوشل میڈیا پر وائرل اس پوسٹ نے ماہرہ خان اور وہاج علی کے مداحوں کو خوش کر دیا ہے۔
صارفین اس جوڑی کو ایک ساتھ ٹی وی اسکرین پر دیکھنے کے لیے پر جوش نظر آ رہے ہیں۔
واضح رہے کہ ماہرہ خان اور وہاج علی کے آنے والے اس پروجیکٹ سے متعلق زیادہ تفصیلات شیئر نہیں کی گئی ہیں۔
