• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رواں سال سعودیہ میں مقیم چوہدری شفقت کو فرزند پاکستان ایوارڈ دیا جائے گا

آج کا اخبار
یورپ سے
17 جنوری ، 2025
جدہ (شاہد نعیم) سماجی، فلاحی، معاشی استحکام، ادب کو فروغ دینے کے لئے نمایاں خدمات انجام دینے اور پاکستان کا امیج بلند کرنے پر کام کرنے بیرونی ملک مقیم سرگرم پاکستانی شخصیات کو سالانہ بین الاقوامی ایوارڈ دینے کی روایت گزشتہ کئی سال جاری ہے، یہ سلسلہ ادارہ فرزند پاکستان یو کے کے سربراہ ذوالفقار علی بھٹو نے جاری رکھا ہوا ہے۔ اس پروگرام میں خواتین کو دخترِ پاکستان ایوارڈ جاری کیا جاتا ہے۔ اس سال کا ’’فرزندِ پاکستان ایوارڈ‘‘ کے لئےمڈل ایسٹ اور سعودی عرب سے نامزد ہونے والی ممتاز سماجی، معاشی اور پاکستانیت کو فروغ دینے والی شخصیت چوہدری شفقت محمود ہیں، جو پاکستان انوسٹرز فورم کے سربراہ بھی ہیں اور سعودی عرب سے زیادہ سے زیادہ زرمبادلہ پاکستان بھیجنے کی ترغیب دینے کے علاوہ کمیونٹی اور پاکستانی بزنس مین و سرمایہ کاروں کو نئے نئے پروجیکٹ سے ٓاگہی کی مہم میں پیش پیش رہتے ہیں۔ ایوارڈکی تقسیم کی تقریب جون 2025میں منعقد کی جائے گی۔ اس سے قبل یہ پامیلا ملک مانچسٹر، زبیر اعوان بلجیم، پرویز رانا لندن، مزمل حسین باجوہ اسپین،خورشید بخاری، سعد سکندر سیال گلاسگو، محمد ارشد شاہد ڈنمارک، راجہ طاہر بلجیم، خواجہ ظفر اقبال، صدف ابراہیم، ڈاکٹر پروفیسر شاہینہ کشور قاسم محمود کینیڈا، الطاف دین، طاہر بشیر، رانا عدیم احمد خان اسکاٹ لینڈ، شاہد صدیقی، زاہدہ نوری، نادیہ جعفری، سہیل سلامت، چوہدری توقیر، فرخ شمسی، طارق خان کو فرزند پاکستان اور دخترِ پاکستان ایوارڈ سے نوازا جا چکا ہے۔
یورپ سے سے مزید