فرمان الہی
نماز کے اوقات
اسلام آ باد ( رانا غلام قادر) وزیراعظم شہبازشریف نے تمام وزارتوں اور ڈویژنوں کی ایک سالہ کارکردگی کا خود جائزہ لینے کا فیصلہ کیا ہے۔ یہ جائزہ حکومت کے آغاز میں دیے گئے اہداف کی روشنی میں لیا جائے گا کہ ان پر کس حد تک کامیابی حاصل کی گئی ہے۔
وزیراعظم شہباز شریف کا تمام وزارتوں اور ڈویژنوں کی ایک سالہ کارکردگی کا خود جائزہ لینے کا فیصلہ، وزیر اعظم باری باری ہر وزارت کی کارکردگی کا جائزہ اجلاس بلائیں گے، اہداف کے بارے میں پوچھا جائے گا، یاد رہے کہ مارچ میں موجودہ وفاقی حکومت کا ایک سال مکمل ہو جائے گا۔ حکومتی ذرائع کے مطابق وزیرِاعظم شہباز شریف نے وفاقی کابینہ ارکان کی کارکردگی کا جائزہ لینے کا فیصلہ کیا ہے۔
اس کیلئے وزیر اعظم باری باری ہر وزارت کی کارکردگی کا جائزہ اجلاس بلائیں گے۔ اس ضمن میں وزیراعظم آفس کی جانب سے ہدایت نامہ تمام وزارتوں کو جاری کردیا گیا جس میں پریزنٹیشن تیار کرنے کیلئے کہا گیا ہے۔
