فرمان الہی
نماز کے اوقات
بھارتی ڈائریکٹر فرح خان کی ہدایت کاری میں بننے والی بالی ووڈ کنگ شاہ رخ خان کی فلم ’میں ہوں ناں‘ کا سیکوئیل بنانے سے متعلق خبریں زیرِ گردش ہیں۔
بھارتی میڈیا کی متعدد رپورٹس میں دعویٰ کیا جا رہا ہے کہ شاہ رخ خان اور مصنفہ، فلم پروڈیوسر، اداکارہ، کوریوگرافر فرح خان ’میں ہوں ناں 2‘ کے لیے ایک بار پھر ایک ساتھ کام شروع کرنے والے ہیں۔
بھارتی میڈیا ’بالی ووڈ ہنگامہ‘ کے مطابق فلم ’میں ہوں ناں2‘ کی تیاریاں اس وقت ابتدائی مرحلے میں ہیں جبکہ شاہ رخ خان نے بھی اس میں کام کرنے کی ہامی بھر لی ہے۔
2004ء میں ریلیز ہونے والی فلم ’میں ہوں ناں‘ کے لیے بھارتی میڈیا کا کہنا ہے کہ یہ فلم شاہ رخ خان کے دل کے انتہائی قریب ہے کیونکہ یہ فلم ’ریڈ چلیز‘ کے بینر تلے بننے والی پہلی بالی ووڈ فلم تھی۔
میڈیا رپورٹس کے مطابق شاہ رخ خان اس فلم کا سیکوئیل بنانے کا کوئی ارادہ نہیں رکھتے تھے مگر فرح خان کی جانب سے شیئر کی گئی ابتدائی کہانی سننے کے بعد انہوں نے سیکوئیل بنانے اور اس میں کام کرنے کی ہامی بھر لی۔
بھارتی میڈیا کے مطابق فلم کا اسکرپٹ فی الحال ابتدائی مرحلے میں ہے۔
یاد رہے کہ فلم ’میں ہوں ناں‘ 2004ء میں ریلیز ہوئی تھی جبکہ فرح خان کی بطور ڈائریکٹر یہ پہلی فلم تھی۔
فلم میں بالی ووڈ ’کنگ‘ شاہ رخ خان کے علاوہ سشمیتا سین، زید خان اور امریتا راؤ نے اداکاری کے جوہر دکھائے تھے۔
