فرمان الہی
نماز کے اوقات
بھارت میں ادھیڑ عمر شخص کو سروس فراہم کرنے میں تاخیر برتنے پر سی ای او نے پورے محکمے کو 20 منٹ کے لیے کھڑا کر دیا۔
نوئیڈا کے رہائشی پلاٹ ڈپارٹمنٹ کے سی ای او نے کم از کم 16 ملازمین کو کھڑا ہونے کی سزا دے کر اس وقت اسکول کی یاد تازہ کروا دی جب انہوں نے دیگر عوام سمیت ایک بزرگ شہری کو بھی کاؤنٹر پر 20 منٹ تک انتظار کرتے دیکھا۔
غیر ملکی میڈیا رپورٹس کے مطابق نوئیڈا اتھارٹی کے سی ای او ڈاکٹر لوکیش ایم نے سروس کاؤنٹر پر ایک بزرگ شخص کو غیر ضروری طور پر انتظار کرتے دیکھ کر عملے کے خلاف سخت کارروائی کی۔
معمول کی سی سی ٹی وی مانیٹرنگ کے دوران ڈاکٹر لوکیش نے سروس میں تاخیر ہوتے دیکھی اور عملے کو اس مسئلے کو فوری طور پر حل کرنے کی ہدایت کی۔
’این ڈی ٹی وی‘ کی ایک رپورٹ کے مطابق ڈاکٹر لوکیش نے جب سروس کی تیز فراہمی کی ہدایت کے بعد بھی بزرگ شہری کو 20 منٹ انتظار کرتے دیکھا تو غصے میں آ گئے۔
سی ای او نے محکمے کا دورہ کیا اور 16 ملازمین بشمول خواتین عملے کو بھی تادیبی اقدام کے طور پر 20 منٹ تک کھڑے رہنے اور اسی حالت میں کام جاری رکھنے کا حکم دیا۔
بھارتی سرکاری دفتر میں پیش آنے والا یہ واقعہ سوشل میڈیا پر وائرل ہو گیا۔
اس وائرل ویڈیو پر صارفین اپنی اپنی رائے کا اظہار کر رہے ہیں۔
متعدد صارفین نے لاپروائی برتنے والے عملے کا احتساب کرنے اور عوامی خدمت میں کارکردگی کو بہتر بنانے کے لیے ڈاکٹر لوکیش کے اس فیصلے کی تعریف کی ہے۔
