فرمان الہی
نماز کے اوقات
وزیرِ اعلیٰ خیبر پختون خوا علی امین گنڈاپور کا کہنا ہے کہ بانیٔ پی ٹی آئی ہمارے لیے مقابلہ کر رہے ہیں۔
انہوں نے تقریب سے خطاب کے دوران کہا کہ پاکستان نے اسپورٹس کے میدان میں اپنا لوہا منوایا ہے، نیشنل اور انٹرنیشنل کھلاڑی ملک کا نام روشن کر رہے ہیں۔
علی امین گنڈاپور نے کہا ہے کہ میں خود اسپورٹس مین رہا ہوں، اسپورٹس سے نام تو بنتا ہے لیکن ایک دوسرے سے مقابلہ بھی کرنا پڑتا ہے، مقابلہ کرنا سیکھیں گے تو آپ ترقی کریں گے۔
انہوں نے بتایا کہ جان شیر خان نے اسپورٹس میں اپنا نام بنایا ہے، جب جان شیر کھیلتے تھے تو ان کے جوتوں میں سوراخ ہو جاتے تھے۔
وزیرِ اعلیٰ کے پی نے یہ بھی کہا کہ مجھے فخر ہے کہ بانیٔ پی ٹی آئی نےجو خواب دیکھا ہے وہ پورا ہو رہا ہے۔
