فرمان الہی
نماز کے اوقات
اسلام آباد( اسرار خان ) پاکستان کے بڑے پیمانے پر مینوفیکچرنگ (LSM) کے شعبے میں مالی سال 2024-25 کی پہلی ششماہی (جولائی تا دسمبر) کے دوران گزشتہ سال کی اسی مدت کے مقابلے میں 1.87 فیصد کمی ریکارڈ کی گئی، کیونکہ اہم صنعتوں میں پیداوار کم ہوئی۔مالی سال 2024-25 کی پہلی ششماہی میں تمباکو، ٹیکسٹائل، ملبوسات، آٹوموبائل اور دیگر ٹرانسپورٹ آلات کی پیداوار میں اضافہ ہوا، جبکہ خوراک، کوک اور پیٹرولیم مصنوعات، کیمیکل مصنوعات، غیر دھاتی معدنی مصنوعات، لوہا و اسٹیل، برقی آلات، مشینری اور فرنیچر کی پیداوار میں نمایاں کمی دیکھنے میں آئی۔سرکاری اعداد و شمار کے مطابق دسمبر 2024 میں LSM سیکٹر میں گزشتہ سال کی اسی مدت کے مقابلے میں 3.73فیصد کمی ریکارڈ کی گئی۔ پاکستان کی معیشت میں LSM کا اہم کردار ہے، کیونکہ یہ ملک کی مجموعی مینوفیکچرنگ کا 69.3 فیصد اور مجموعی ملکی پیداوار (GDP) کا 8.2 فیصد فراہم کرتا ہے۔یہ اعداد و شمار پاکستان بیورو آف شماریات (PBS) نے مختلف ذرائع، بشمول آئل کمپنیز ایڈوائزری کمیٹی (OCAC)، وزارت صنعت و پیداوار، اور صوبائی شماریاتی بیوروز سے حاصل کیے ہیں۔
