• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انسداد دہشتگردی سے متعلق پاک ترکیہ افواج کی مشترکہ مشقیں اختتام پذیر

آج کا اخبار
اہم خبریں
21 فروری ، 2025
راولپنڈی ( رپورٹ حنیف خالد )پاک فوج اور جمہوریہ ترکیہ کی افواج کے درمیان انسداد دہشت گردی کے شعبے میں مشترکہ مشق پاک-ترکیہ اتاترک-XIII کی اختتامی تقریب چراٹ میں منعقد ہوئی۔ مشق کا آغاز 10 فروری کو ہوا تھا جس میں پاکستان آرمی کے اسپیشل سروسز گروپ (ایس ایس جی) کی دو جنگی ٹیموں اور جمہوریہ ترکیہ کی اسپیشل فورسز کے 36افسران و جوانوں نے شرکت کی۔ کمانڈر 11کور نے اختتامی تقریب میں بطور مہمان خصوصی شرکت کی جبکہ جمہوریہ ترکیہ کے بریگیڈیئر جنرل احمد آشق بھی اس موقع پر موجود تھے۔ مشق کے دوران فوجی جوانوں نے پیشہ ورانہ مہارت کے اعلیٰ معیار کا مظاہرہ کیا۔ یہ مشق مشترکہ تربیت کے ذریعے پیشہ ورانہ صلاحیتوں کو نکھارنے کے ساتھ ساتھ دوست ممالک کے درمیان تاریخی فوجی تعلقات کو مزید مستحکم کرنے کے مقصد سے منعقد کی گئی۔
اہم خبریں سے مزید