فرمان الہی
نماز کے اوقات
موریطانیہ، ملائیشیا اور امارات سمیت 6 ملکوں سے مزید 67 پاکستانیوں کو ڈی پورٹ جبکہ 5 کو پاکستان پہنچنے پر گرفتار کر لیا گیا۔
امیگریشن کے ذرائع کے مطابق بے دخل کیے گئے 5 مسافروں کو کراچی میں انسدادِ انسانی اسمگلنگ سرکل کے حوالے کر دیا گیا ہے۔
موریطانیہ سے کشتی سے یورپ اسمگلنگ کے لیے موجود 2 نوجوان بھی بے دخل کیے گئے ہیں۔
امیگریشن کے ذرائع کا کہنا ہے کہ یو اے ای سے بلیک لسٹ، منشیات اسمگلنگ اور سزا یافتہ سمیت 45 پاکستانی ڈی رپورٹ کیے گئے ہیں۔
اسی طرح سعودی عرب میں سزا پوری کرنے والے 9 افراد سمیت 15 پاکستانیوں کو بے دخل کیا گیا ہے۔
امیگریشن کے ذرائع کے مطابق ملائیشیا سے 1، عمان سے 2 اور قطر سے 1 پاکستانی کو ڈی پورٹ کر کے کراچی بھیجا گیا ہے۔
