فرمان الہی
نماز کے اوقات
اسلام آباد ( نمائندہ خصوصی ) ڈپٹی چیئرمین نیب سہیل ناصر نے کہا ہے کہ عوام کا سرمایہ لوٹنے والوں کے خلاف نیب کا شکنجہ سخت ہو رہا ہے ایک سال کی قلیل مدت میں 4رہائشی منصوبوں کی انتظامیہ سے ڈیڑھ ارب روپے بازیاب کرائے گئے قومی احتساب بیورو ہیڈ کوارٹر اسلام آباد میں رہائشی منصوبوں میں غبن کے متاثرین میں رقوم کی واپسی کی تقریب ڈپٹی چیئرمین نیب سہیل ناصر کی زیر صدارت منعقد ہوئی ۔جس میں راولپنڈی اور اسلام اباد کے چار رہائشی منصوبوں غوری ٹاؤن، آرائیں سٹی، گلشن رحمان، اور جدہ ٹاؤن کے متاثرین میں خطیر رقوم کے چیک تقسیم کیے گئے۔ ڈپٹی چیئرمین نیب سہیل ناصر، پراسیکیوٹر جنرل احتساب سید احتشام قادر شاہ، ڈائریکٹر جنرل نیب راولپنڈی مرزا محمد عرفان بیگ اور دیگر افسران نے متاثرین میں چیک تقسیم کیے ۔ ڈپٹی چیئرمین نیب سہیل ناصر نے اس موقع پر اپنے خطاب میں کہا کہ چیئرمین نیب کی سربراہی میں بدعنوانی کی روک تھام کے لیے جامع اقدامات کئے جا رہے ہیں -
