فرمان الہی
نماز کے اوقات
کراچی (اسٹاف رپورٹر) بھارتی کرکٹ بورڈ کے نائب صدر راجیو شکلا نے کہا ہے کہ بھارتی ٹیم کے میچز اور چیمپئنز ٹرافی کے فائنل کے حوالے سے فیصلہ ہو چکا تھا ۔ بھارت کو فائدہ دینے یا نہ دینے کی بات نہیں ہے۔ بدھ کو لاہور میں میڈیا سے غیر رسمی بات چیت میں انہوں نے کہا کہ بھارتی ٹیم پچ کے بھروسے نہیں اپنی کارکردگی کے بل بوتے اور کھلاڑیوں کے دم پر کھیلتی ہے۔پاکستان نہ آنے کا فیصلہ بھارتی حکومت کا ہے اور وہ جو بھی فیصلہ کرے گی بی سی سی آئی اس پر عمل کرتی ہے، حکومت مختلف پہلوئوں کو پرکھ کر فیصلہ کرتی ہے۔کافی عرصے بعد پاکستان میں آئی سی سی ٹورنامنٹ ہونا اچھی بات ہے بی سی سی آئی اور پی سی بی کی یہ پالیسی رہی ہے کہ دوطرفہ سیریز ایک دوسرے کےسرزمین پر ہوں۔ پاکستان آکر بہت اچھا لگ رہا ، یہاں بہت اچھے انتظامات کئے گئے ہیں، چیمپئنز ٹرافی اور ورلڈکپ دونوں کی بڑی اہمیت ہے۔
