• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سریاب کے مختلف علاقوں میں قلت آب کا مسئلہ سنگین، ٹینکر مافیا کی چاندی

میرا شہر
کوئٹہ
17 مارچ ، 2025
کوئٹہ(اسٹاف رپورٹر)سریاب کے مختلف علاقوں میں پانی کی شدید قلت کے باعث عوام کو مشکلات کا سامنا ہے، متعلقہ حکام کی چشم پوشی کے باعث ٹینکر مافیا کی چاندی ہوگئی تفصیلات کے مطابق کشمیر آباد،لوہڑ کاریز،موسی کالونی،احمد خان زئی،برما ہوٹل،بینک کالونی،کلی قمبرانی،کلی گشکوری،محلہ سیدان کلی فقیر آباد،بشیر چوک سمیت گردونواح کے علاقوں میں آبنوشی کا بحران سنگین صورتحال اختیار کرگیا ہےمکین ٹینکر مافیا کے رحم و کرم پر ہیں اور مہنگے داموں پانی خریدنے پر مجبور ہیں مکینوں نے بتایا کہ علاقے میں پانی کی شدید قلت ہے ،غریب عوام ٹینکر مافیا کے رحم وکرم پر ہیں اور ٹینکر خرید کر تنگ آچکے ہیں دوسری جانب طویل لوڈشیڈنگ سے بھی پانی کی فراہمی کا نظام مثاثر ہوا ہے انہوں نے کہا کہ بارہا حکام کو شکایت بھی کی لیکن شنوائی نہیں ہوئی اگر یہ صورتحال برقرار رہی تو مکین شدید احتجاج پر مجبور ہونگے ۔
کوئٹہ سے مزید