فرمان الہی
نماز کے اوقات
اسلام آباد (عاطف شیرازی)پاکستان کو کپاس کی پیداوار میں خطرناک حد تک کمی کا سامنا کرنا پڑ رہا ہے،10سال قبل پیداوار ایک کروڑ 36لاکھ گانٹھ تھی، گزشتہ سال ایک کروڑ 2لاکھ تک رہ گئی، کپاس کی پیداوار میں کمی سےمعیشت کو بڑا خطرہ لاحق ہے معاشی تحقیقاتی تھنک ٹینک اکنامک پالیسی اینڈ بزنس ڈیولپمنٹ نے الرٹ جاری کر دی۔ معاشی تحقیقاتی تھنک ٹینک کا کہنا ہےکہ کپاس کی پیداوار میں کمی سے معیشت کو بڑا خطرہ لاحق ہے، کپاس کی پیداوار 10سال قبل ایک کروڑ 36لاکھ گانٹھوں کی تھی جو کہ گزشتہ سال ایک کروڑ 2لاکھ گانٹھوں تک رہ گئی ہےتھنک ٹینک کی جانب سے کہا گیا ہے کہ ایک دہائی میں 34لاکھ گانٹھ کپاس کی پیداوار کم ہوئی، کپاس کی پیداوار میں کمی سے صرف ایک سال میں ایک ارب 61کروڑ ڈالر درآمدات کی ضرورت پیدا ہوئی۔رپورٹ میں سفارش کی گئی ہے کہ 10لاکھ ایکڑز پر جلدی بوائی سے درآمدات میں 35کروڑ ڈالر کی بچت متوقع ہے.تھنک ٹینک کی جانب سے کہا گیا ہے کہ کپاس کی پیداوار بڑھانے کے لیے اگیتی کاشت کی جائے، اپریل کے وسط تک کپاس کی کاشت بہتر پیداوار دے سکتی ہے، کاشت کار آئندہ ماہ کے وسط میں کپاس کی کاشت کریں۔
