• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی بیج فروخت کرنے میں ملوث 392 کمپنیوں پر پابندی کا فیصلہ

آج کا اخبار
اہم خبریں
31 مارچ ، 2025
کراچی(آئی این پی) وفاق وسندھ حکومت نے زرعی اجناس بنانے اور بیچنے والی 392 کمپنیوں پر پابندی کا فیصلہ کیا ہے۔ ذرائع کے مطابق یہ فیصلہ دو ماہ میں سروے کے بعد دی گئی رپورٹ کے بعدکیا گیا، یہ کمپنیاں جعلی زرعی بیج فروخت کرنے میں ملوث تھیں۔وفاقی وزارت فوڈ سیکورٹی نے کاشت کاروں سے کہا گیا ہے کہ وہ زرعی اجناس کا بیج خریدنے سے پہلے تصدیق ضرور کروائیں۔وفاقی وزارت فوڈ سکیورٹی کا صوبوں کے ساتھ زرعی سیکٹر پر اہم اجلاس ہوا۔اجلاس میں بریفنگ میں بتایا گیا کہ چاولوں میں ایم آر ایل ایشو آنے پر 12 پیسٹی سائیڈ پراڈکٹس پرمکمل پابندی لگادی گئی ہے۔ چاول کا بیج بنانے کی 1030کمپنیاں موجود ہیں، جن میں جعلی کمپنیاں بھی شامل ہیں۔ ترجمان کے مطابق ہائبرڈ بیج امپورٹ کرنے والی کمپنیز کو سیڈ کے تمام بیگز پر کیو آر کوڈ لگانیکا حکم دیا گیا ہے۔ جس بھی چاول کے بیج کے بیگ پر کیو آر کوڈ نہیں ہوگا وہ بیج جعلی تصور ہوگا۔ اجلاس میں فیصلہ ہوا کہ کیو آرکوڈ کے بغیر دکانداروں کے خلاف محکمہ زراعت اور ایف آئی اے کارروائی کریگی۔
اہم خبریں سے مزید