• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عید الفطر پر ”جیو نیٹ ورک“ لایا انٹرٹینمنٹ کا طوفان

آج کا اخبار
اہم خبریں
31 مارچ ، 2025
کراچی (جنگ نیوز) عید الفطر پر ”جیو نیٹ ورک“ لایا انٹرٹینمنٹ کا طوفان ،پاکستان کے سب سے بڑے اور سب سے مقبول ٹیلی ویژن نیٹ ورک ”جیو“ نے ہمیشہ کی طرح اس برس بھی اپنے ناظرین کی میٹھی عید کی خوشیاں دوبالا کرنے اور ”عید الفطر“ کو یادگار بنانے کیلئے بہترین انتظامات کرلئے ہیں۔ میٹھی عید کی میٹھی خوشیوں کا مزہ دوبالا کرنے کیلئے ”جیو نیٹ ورک“ نے اس بار بھی ایک سے بڑھ کر ایک بہترین پروگرام ترتیب دیکر عید کیلئے سب سے بہترین اور سب سے میٹھی سوغات تیار کی ہے جس میں عید کی خصوصی ٹرانسمیشن،اسپیشل بلیٹنز، خصوصی کوریج، ٹاک شوز، مارننگ شوز، ڈرامے، ٹیلی و فیچرز فلمیں، اسلامی تاریخ پر مشتمل سیریلز، خصوصی شوز، لالی ووڈ کی سپر ہٹ فلمیں اور کامیڈی شوز عید کی رونق بڑھائیں گی۔ ”جیو نیوز“ کے مقبول مارننگ شو ”جیو پاکستان“ میں عید کے تینوں دِن خوشیاں سمیٹی جائیں گی ۔ عید کے پہلے دِن ”جیو پاکستان“ میں صبح 9بجکر5منٹ پر وزیراعلیٰ سندھ سید مراد علی شاہ، اولمپک گولڈ میڈلسٹ ارشد ندیم، ماہر غذائیت ثنا اظفر اور شہداء کے خاندان سے گفتگو ہوگی۔ دوپہر 1بجکر5منٹ پر مزاحیہ مشاعرہ ہوگا۔ شام4بجکر5منٹ پر افتخار عارف شو نشر کیا جائے گا۔ پروگرام ”اسکور“ میں شام5بجکر 5منٹ پر کرکٹر سعود شکیل مہمان بنیں گے۔ شام7بجکر 5منٹ پر ”ایک دِن جیو کے ساتھ“ میں کرکٹر امام الحق مہمان بنیں گے۔ رات8بجکر5منٹ پر ”کیپٹل ٹاک“ کا اسپیشل شو نشر ہوگا جس میں یونیورسٹی اسٹوڈنٹس کے ساتھ شاعری مقابلہ (پہلا حصہ) دکھایا جائے گا۔ رات 10بجکر5 منٹ پر مزاح سے بھر پور شو ”ہنسنا منع ہے“ پیش ہوگا جس میں کرکٹر محمد عامر اور اُن کی اہلیہ مہمان ہوں گی اور دونوں کے ساتھ چٹ پٹی گفتگو کی جائے گی۔ عید کے دوسرے دِن ”جیوپاکستان“ میں گورنر سندھ کامران ٹیسوری، وزیر اطلاعات پنجاب عظمیٰ بخاری، پی ٹی آئی رہنما شوکت یوسف زئی اور سرائیکی فوک سنگر انینا فدا کے ساتھ مزیدار باتیں ہوں گی۔ دوپہر میں ”مزاحیہ مشاعرہ“ پیش کیا جائے گا۔ پروگرام ”اسکور“ میں اقبال قاسم، سلیم جعفر اور شعیب محمد“ مہمان ہوگے۔ عید کی مناسبت سے شاہد خان آفریدی کے ساتھ ”اسپیشل پروگرام“ ترتیب دیا گیا ہے جو شام 7بجکر5منٹ پر نشر ہوگا۔ کیپٹل ٹاک میں ”یونیورسٹی اسٹوڈنٹس“ کے ساتھ شاعری کے مقابلے کا دوسرا حصہ دکھایا جائے گا۔ اور مقبول ترین شو ”ہنسنا منع ہے“ میں اداکار عدنان صدیقی مہمان بنیں گے۔ عید کے تیسرے دِن ”مارنگ شو“ عید اسپیشل ہوگا۔ دوپہر میں اسپورٹس شو دکھایا جائے گا جس میں ”پاکستان بمقابلہ نیوزلینڈ“ دوسرے ایک روزہ میچ کی جھلکیاں نشر کی جائیں گی۔ پروگرام ”اسکور“ میں فاطمہ ثنا اور منیبہ مہمان بنیں گی۔ شام کو نامور کرکٹر سرفراز احمد کی گفتگو پر مشتمل خصوصی پروگرام پیش ہوگا اور ”کیپٹل ٹاک“ بھی عید اسپیشل نشر کیا جائے گا۔ ”جیو ٹی وی“ نے بھی عید کی خوشیوں کو دوبالا کرنے کیلئے دلکش کہکشاں سجائی ہے، ایکشن رومانس اور ایڈونچر سے بھر پور بلاک بسٹر موویز، کامیڈی شوز اور مزاح سے بھر پور ڈرامے عید کا مزدوبالا کریں گے۔ ہفتہ وار سلسلے ”بجو“ میں ناظرین دیکھیں گے کہ اس بار سسرال میں کیا طوفان اُٹھانے والی ہے بجو۔ دوسری طرف کیا زدار شاہ کے سنگ نئی زندگی نہال کیلئے ہوگی مہربان ڈرامہ سیریل ”ڈائن“ میں۔ رمضان المبارک میں شروع ہونے والے سلسلے ”آس پاس“ میں کیا بر آنے والی ڈاکٹر سہام اور عرشیہ کے دِل کی مراد؟۔ اسپیشل ٹیلی فلم ”دِل نے کہا دِل سے“ مسکراہٹوں کے رنگ بکھیرتی نظر آئے گی۔ وہی تھرلر اور ایکشن پر مبنی ڈرامہ سیریل ”ہیش ٹیگ“ عید کے چار دِن رفتہ رفتہ حقیقت سے نقاب اُٹھائے گا۔ واضح رہے”جیوسوپر“ اور ”جیو کہانی“ نے بھی عید کی مناسبت سے بہترین پروگرام تخلیق کئے ہیں۔
اہم خبریں سے مزید