فرمان الہی
نماز کے اوقات
اسلام آباد (رانا غلام قادر) ملک کی اہم سیاسی شخصیات اپنے آبائی شہروں میں عید الفطر منائیں گے۔ صدر مملکت آصف علی زرداری عید الفطر بے نظیر آباد (نواب شاہ) میں منائیں گے۔ وزیراعظم شہباز شریف عید الفطر لاہور میں منائیں گے اور ماڈل ٹاؤن میں ہی عید کی نماز ادا کریں گے۔ سابق وزیراعلیٰ پنجاب حمزہ شہباز بھی عید لاہور میں کریں گے۔ مسلم لیگ ن کے قائد میاں نواز شریف عید کی نماز جاتی امراء میں ادا کریں گے جبکہ وزیراعلیٰ پنجاب مریم نواز بھی عید لاہور جاتی امراء میں منائیں گی۔ سپیکر پنجاب اسمبلی ملک محمد احمد خان عید اپنے آبائی علاقے کھائی ہتھاڑ ضلع قصور میں منائیں گے۔ وزیر اطلاعات و نشریات عطا تارڑ اور وزیر داخلہ محسن نقوی، وزیر مواصلات عبد العلیم خان لاہور میں عید منائیں گے۔ وزیر دفاع خواجہ آصف سیالکوٹ میں عید منائیں گے۔ چیئرمین پیپلز پارٹی بلاول بھٹو زرداری لاڑکانہ گڑھی خدا بخش میں نماز عید پڑھیں گے۔ چیئرمین سینٹ یوسف رضا گیلانی ملتان، سپیکر قومی اسمبلی سردار ایاز صادق لاہور جبکہ ڈپٹی سپیکر قومی اسمبلی سید غلام مصطفیٰ شاہ آبائی شہر نواب شاہ میں نماز ادا کریں گے۔ وزیراعلیٰ سندھ مراد علی شاہ سیہون، وزیراعلیٰ خیبرپختونخوا علی امین گنڈاپور نماز عید ڈی آئی خان کے آبائی علاقے میں پڑھیں گے جبکہ وزیراعلیٰ بلوچستان سرفراز بگٹی کوئٹہ میں عید نماز ادا کریں گے۔ وزیر خارجہ اسحاق ڈار لاہور میں عید الفطر کی نماز پڑھیں گے۔ چیئرمین پی ٹی آئی بیرسٹر گوہر خان بونیر، اپوزیشن لیڈر عمر ایوب ہری پور اور پرویز خٹک نوشہرہ میں عیدالفطر کی نماز عید ادا کریں گے۔ کنونیئر ایم کیو ایم اور وزیر تعلیم ڈاکٹر خالد مقبول صدیقی کراچی، سابق چیئرمین سینیٹ صادق سنجرانی چاغی میں عید کی نماز پڑھیں گے۔ گورنر سندھ کامران ٹیسوری کراچی، گورنر خیبرپختونخوا فیصل کریم کنڈی گورنر ہاؤس پشاور اور گورنر بلوچستان جمال جعفر مندوخیل کوئٹہ میں عید کی نماز ادا کریں گے۔ صدر آزاد کشمیر بیرسٹر سلطان میرپور، وزیراعظم آزاد کشمیر انوار الحق بھمبر، سپیکر آزاد کشمیر اسمبلی لطیف اکبر اور اپوزیشن لیڈر آزاد جموں و کشمیر خواجہ فاروق مظفرآباد میں عید منائیں گے۔ وزیر مملکت برائے داخلہ طلال چوہدری عید کی نماز فیصل آباد میں پڑھیں گے۔ وفاقی وزیر برائے منصوبہ بندی و ترقی احسن اقبال عید نارووال میں اور وفاقی وزیر غذائی تحفظ رانا تنویر عید کا روز مرید کے میں گزاریں گے۔ جے یو آئی سربراہ مولانا فضل الرحمان آبائی گاؤں عبدالخیل ڈی آئی خان میں عیدالفطر منائیں گے۔ سابق وزیراعلیٰ کے پی اکرم خان درانی بنوں میں عید منائیں گے۔
