• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عید خوشی، شکرگزاری اور مسرت کا تہوار ہے، بلاول

آج کا اخبار
اہم خبریں
31 مارچ ، 2025
اسلام آباد (اے پی پی)پاکستان پیپلز پارٹی کے چیئرمین بلاول بھٹو زرداری نے عید الفطر کے پرمسرت موقع پر پاکستانی عوام بالخصوص اور پوری امت مسلمہ بالعموم کو دلی مبارکباد پیش کی ہے۔اپنے پیغام میں چیئرمین بلاول بھٹو زرداری نے کہا کہ عید خوشی، شکرگزاری اور مسرت کا تہوار ہے—یہ ایمان اور اتحاد کا جشن ہے اور ہمیں اللہ تعالیٰ کی بے شمار نعمتوں کو یاد دلانے کا موقع فراہم کرتا ہے۔ عید ہمیں ہمدردی، بھائی چارے اور ضرورت مندوں کا ساتھ دینے کی اہمیت سکھاتی ہے۔چیئرمین پیپلز پارٹی نے کہا کہ اس بابرکت دن پر ہمیں اپنے ان بھائیوں اور بہنوں کو یاد رکھنا چاہیے جو غربت سے نبردآزما ہیں، وہ خاندان جو دہشت گردی کا شکار ہوئے ہیں، اور وہ لوگ جو معاشی مشکلات کا سامنا کر رہے ہیں۔ خصوصاً کشمیری اور فلسطینی عوام، جو مسلسل ناانصافی، جبر اور ظلم کا سامنا کر رہے ہیں، ہماری خصوصی توجہ اور حمایت کے مستحق ہیں۔ عید کا حقیقی پیغام یہی ہے کہ ہم ان مظلوموں کے ساتھ کھڑے ہوں اور اس خوشی کے موقع پر انہیں بھی اپنی خوشیوں میں شامل کریں۔انہوں نے مزید کہا کہ پاکستان کو اس وقت سنگین چیلنجز کا سامنا ہے، جن میں معاشی مشکلات اور دہشت گردی جیسے خطرات شامل ہیں جو ہمارے ملک کے امن و استحکام کے لیے نقصان دہ ہیں۔ تاہم، پیپلز پارٹی ہمیشہ شدت پسندی اور انتشار کی قوتوں کے خلاف ڈٹی رہی ہے۔ ہم ایک برابر، ترقی پسند اور خوشحال پاکستان کے قیام کے لیے پرعزم ہیں، جو قائداعظم محمد علی جناح، قائد عوام شہید ذوالفقار علی بھٹو، اور شہید محترمہ بینظیر بھٹو کا خواب تھا۔
اہم خبریں سے مزید