• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

طالبان کی قید سے امریکی خاتون رہا، کابل میں قطر کے سفارت خانے کے حوالے

آج کا اخبار
اہم خبریں
31 مارچ ، 2025
اسلام آباد (فاروق اقدس) افغان طالبان نے ایک اور امریکی شہری کو رہا کردیا، امریکی خاتون فائی ہال کو گزشتہ ماہ افغانستان میں گرفتار کیا گیا تھا، غیر ملکی خبر رساں ادارے کی رپورٹ کے مطابق افغان طالبان نے گزشتہ ماہ افغانستان میں قید ہونے والی امریکی شہری فائی ہال کو رہا کردیا ہے ان کو برطانوی جوڑے، باربی اور پیٹر رینالڈز کے ساتھ گرفتار کیا گیا تھا۔ اس حوالے سے سابق امریکی سفیر زلمے خلیل زاد نے بتایا ہے کہ امریکی خاتون فائی ہال کو کابل میں قطر کے سفارت خانے کے حوالے کردیا گیا جنہیں جلد ہی امریکا روانہ کردیا جائے گا۔ غیر ملکی میڈیا کی رپورٹ کے مطابق امریکی خاتون شہری کو جمعرات کو عدالتی حکم پر رہا کیا گیا ، خاتون کی رہائی میں قطری حکام نے اہم کردار ادا کیا ، فائی ہال رواں سال فروری سے افغان طالبان کی حراست میں تھیں، برطانوی میڈیا نے بتایا کہ 70سالہ عمر کا حامل جوڑا افغانستان میں گزشتہ 18 سال سے سکولوں کا منصوبہ چلا رہا ہے اور انہوں نے طالبان کے برسر اقتدار آنے کے بعد بھی اپنا افغانستان میں رہ کر اپنا منصوبہ جاری رکھنے کا فیصلہ کیا تھا۔
اہم خبریں سے مزید