فرمان الہی
نماز کے اوقات
کراچی( افضل ندیم ڈوگر) عید الفطر کے اختتام پر آبائی علاقوں سے پردیسیوں کی موٹر ویز اور قومی شاہراؤں سے واپسی پر ٹریفک کے غیرمعمولی بہاؤ کے پیش نظر موٹر وے پولیس نے ٹریول ایڈوائزری جاری کر دی۔ ترجمان موٹر وے پولیس کے مطابق شہری چند احتیاطی تدابیر اپناتے ہوئے اپنا سفر محفوظ اور آرامدہ بنا سکتے ہیں۔ شہریوں سے کہا گیا ہے کہ وہ سفر شروع کرنے سے پہلے گاڑی کا انجن آئل، پانی، ٹائر پریشر اور بریک چیک کرلیں۔ دوران ڈرائیونگ سیٹ بیلٹ کا استعمال کریں، حد رفتار کی پابندی، اگلی گاڑی سے محفوظ فاصلہ اور لین اور لائن کا خیال رکھیں ۔ لمبے سفر سے پہلے ڈرائیور کا مکمل فریش ہونا اور دو سے ڈھائی گھنٹے کی ڈرائیونگ کے بعد کچھ وقت آرام کرنا ضروری قرار دیا گیا ہے۔ نیند یا غنودگی کی حالت میں ڈرائیونگ سے ہرگز منع کیا گیا ہے۔ مسافر بردار گاڑیوں میں سفر کرنے والے اوورلوڈنگ اور اوور چارجنگ کی شکایت موٹروے پولیس ہیلپ لائن پر کر سکتے ہیں۔ ترجمان کے مطابق ممکنہ طور پر بڑھتے ہوئے رش کے پیش نظر موٹروے پولیس کی نفری اور پٹرولنگ میں اضافہ کر دیا گیا ہے ۔ تمام ٹول پلازہ پر روڈ سیفٹی بریفنگ کا سلسلہ جاری ہے۔ کسی بھی مدد کی صورت میں موٹروے پولیس ہیلپ لائن 130پر رابطہ کیا جا سکتا ہے ۔
