فرمان الہی
نماز کے اوقات
پاکستان کے معروف میزبان ڈاکٹر عامر لیاقت حسین کی سابقہ اہلیہ ڈاکٹر بشریٰ اقبال نے حال ہی میں اپنی سابقہ سوکن سیدہ طوبیٰ انور پر کڑی تنقید کی ہے۔
ڈاکٹر بشریٰ اقبال کو عامر لیاقت نے 2020ء میں سیدہ طوبیٰ انور سے شادی کے بعد طلاق دے دی تھی۔
بشریٰ اقبال اپنے سابق شوہر کی موت کے بعد اکثر سوشل میڈیا پر اپنی رائے کا اظہار کرتی رہتی ہیں۔
ڈاکٹر عامر لیاقت حسین کی طوبیٰ انور سے دوسری شادی کے بعد ڈاکٹر بشریٰ اقبال اور ان کے بچوں نے عامر لیاقت سے قطع تعلق کر لیا تھا۔
بعد ازاں سیدہ طوبیٰ انور نے 2022ء میں خلع کے لیے عدالت سے رجوع کیا تھا۔
اپنی زندگی کے آخری ایام میں ڈاکٹر عامر لیاقت حسین شدید ذہنی دباؤ کا شکار ہو گئے تھے جس کے باعث جون 2022ء میں وہ دنیا سے کوچ کر گئے تھے۔
ایک انٹرویو میں طوبیٰ انور نے میڈیا انڈسٹری میں غیر متوقع طور پر قدم رکھنے کا دعویٰ کیا، جبکہ عامر لیاقت حسین طوبیٰ سے طلاق کے بعد کہہ چکے ہیں کہ اداکارہ کو میں نے میڈیا انڈسٹری میں متعارف کروایا تھا۔
ڈاکٹر بشریٰ اقبال نے طوبیٰ انور کے ویڈیو کلپ پر تبصرہ کرتے ہوئے لکھا ہے کہ اگر احسان فراموشی اور جھوٹ کا کوئی چہرہ ہوتا تو وہ یہی ہوتا، انہوں نے یہ بھی لکھا کہ سچ بتا دوں؟
سوشل میڈیا پر صارفین نے بھی طوبیٰ انور کے بیانات کو جھوٹ اور فریب قرار دیا ہے اور کہا ہے کہ طوبیٰ انور کی حقیقت سب کے سامنے ہے۔
