• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تین ماہ شہر میں اسٹریٹ کرائم کے 16 ہزار واقعات، 26 شہری ڈاکوؤں کی فائرنگ سے قتل

آج کا اخبار
اہم خبریں
04 اپریل ، 2025
کراچی( ثاقب صغیر )رواں برس کے پہلے تین ماہ کے دوران شہر میں اسٹریٹ کرائم کے16 ہزار سے زائد واقعات رپورٹ ہوئے، پولیس کے مطابق سال2024کے پہلے تین ماہ کے مقابلے میں رواں برس اسٹریٹ کرائم کی شرح 29.36فیصد کم ہے۔ تفصیلات کے مطابق سال 2025کے پہلے تین ماہ کے دوران شہر میں اسٹریٹ کرائم کے 16ہزار 390 واقعات رپورٹ ہوئے۔ تین ماہ کے دوران 26شہری ڈکیتی مزاحمت پر قتل جبکہ80سے زائد زخمی ہوئے۔ اس دوران4ہزار204شہریوںسے موبائل فون چھینے گئے۔ دو اپریل تک شہر سے 496گاڑیاں جبکہ 11 ہزار690موٹر سائیکلیں چھینی ز اور چوری کی گئیں۔ رواں برس موبائل فون چھیننے کی یومیہ شرح44.7، گاڑیوں کی چوری اور چھیننے کی5.2جبکہ موٹر سائیکلیں چھینے اور چوری کی یومیہ شرح 124.4رہی۔ پولیس ریکارڈ مطابق سال2024کے پہلے تین ماہ میں اسٹریٹ کرائم کے23ہزار201واقعات رپورٹ ہوئے تھے۔2024کے پہلے تین ماہ میں ڈکیتی مزاحمت پر45افراد قتل اور156زخمی ہوئے تھے۔ گذشتہ برس کے پہلے تین ماہ میں شہریوں سے 6ہزار 213موبائل فون چھینے گئے تھے جبکہ533گاڑیاں اور 16ہزار 454موٹر سائیکلیں چھینی اور چوری کی گئی تھیں۔
اہم خبریں سے مزید