فرمان الہی
نماز کے اوقات
اسلام آباد ( ایوب ناصر خصوصی نامہ نگار) منشیات کی غیر قانونی اسمگلنگ سے نمٹنے اور تعاون بڑھانے کے لیے انسداد منشیات فورس نے صوبائی اداروں کے ساتھ رابطے تیز کر دئیے ہیں اس ضمن میں منگل کو یہاں اینٹی نارکوٹکس فورس اور ایکسائز اینڈ ٹیکسیشن بلوچستان نے ایک مفاہمت نامے پر دستخط کیے ہیں ۔ یہ معاہدہ اے این ایف اور ایکسائز ، ٹیکسیشن اینڈ اینٹی نارکوٹکس بلوچستان کے درمیان باہمی ڈیٹا منتقلی، آپریشنل تعاون اور منشیات کے رجحانات کے بروقت تجزیہ پر توجہ مرکوز کرتا ہے۔ یہ اقدام وفاقی حکومت کی انٹر ایجنسی ٹاسک فورس کے فریم ورک کے تحت وفاقی اور صوبائی دونوں سطحوں پر منشیات سے نمٹنے کے لیے اداروں کی کوششوں کو تقویت دیتا ہے۔ صوبائی ڈائریکٹر بلوچستان بریگیڈیئر عدنان دانش اور سیکرٹری ایکسائزٹیکسیشن اوراینٹی نارکوٹکس بلوچستان ظفر علی نے ڈاکومنٹس پر دستخط کیے۔
