• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر قانونی امیگریشن، وزیر داخلہ نے نئے ڈی جی FIA کو ٹاسک دیدیا

آج کا اخبار
اہم خبریں
09 اپریل ، 2025
اسلام آباد( طاہر خلیل ) وفاقی وزیر داخلہ محسن نقوی سے نئے تعینات ہونے والے ڈی جی ایف آئی اے رفعت مختار راجہ اور ڈائریکٹر جنرل نیشنل سائبر کرائم انویسٹی گیشن ایجنسی (NCCIA) وقار الدین سید نے ملاقات کی۔ سائبر سیکورٹی نیا چیلنج ، افسروں کو تربیت کیلئے بیرون ملک بھیجا جائے گا، محسن نقوی ،طلال چوہدری وزیر مملکت داخلہ طلال چوہدری اور وفاقی سیکرٹری داخلہ محمد خرم آغا بھی اس موقع پر موجود تھے۔ وزیر داخلہ محسن نقوی نے ڈی جی ایف آئی اے کو غیر قانونی امیگریشن کے خلاف مؤثر حکمت عملی تیار کرنے کا ٹاسک دیا۔ وزیرداخلہ محسن نقوی نے سائبر کرائمز کی روک تھام کے لیے ڈی جی این سی سی آئی اے کو ہدایات دیں اور انسانی اسمگلنگ میں ملوث مافیا کے خلاف ملک بھر میں موثر کریک ڈاؤن کا حکم دیا۔وفاقی وزیرداخلہ محسن نقوی نے کہا کہ انسانی سمگلنگ روکنے کے لئے چاروں صوبوں میں بلا امتیاز کارروائی عمل میں لائی جائے اور اس مافیا سے آہنی ہاتھوں سے نمٹا جائے۔ انہوں نے اس بات پر زور دیا کہ مکروہ دھندے میں ملوث لوگ معصوم لوگوں کی جانوں سے کھیل رہے ہیں۔ طلال چوہدری نے کہا کہ انسانی سمگلرز کسی رعایت کے مستحق نہیں۔ وزیر داخلہ نے واضح کیا کہ ایف آئی اے سمیت تمام قانون نافذ کرنے والے اداروں کو ملک سے غیر قانونی سپیکٹرم اور منظم جرائم کے خاتمے کیلئے ملکر کام کرنا ہو گا۔
اہم خبریں سے مزید