• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی نائب صدر وانس آئندہ ہفتے بھارت کا دورہ کریں گے

آج کا اخبار
اہم خبریں
17 اپریل ، 2025
اسلام آباد (محمد صالح ظافر ) امریکا کے نائب صدر جے ڈی وانس آئندہ ہفتے بھارت کا دورہ کریں گے ۔ صدر ڈونلڈ ٹرمپ کے دوبارہ برسراقتدار آنے کے بعد امریکی انتظامیہ کے کسی اعلیٰ رہنما کا پہلا دورہ بھارت ہے ۔ نائب صدر وانس کی بھارتی نثراد بیوی اوشا اور تین بچے بھی دورے میں ان کیساتھ ہوں گے۔ وہ جے پور اور آگرہ بھی جائیں گے اور آگرہ میں تاریخی اور دنیا کے ساتویں عجوبے تاج محل کا بھی نظارہ کرینگے ۔ یہ دورہ ایسے موقع پر ہورہا ہے جب امریکا اور بھارت ممکنہ تجارتی معاہدے پر بات چیت کررہے ہیں۔ نائب صدر وانس اس دورے میں بھارتی وزیراعظم نریندر مودی سے بھی ملاقات کرینگے۔ نائب صدر وانس کے دورے سے جاری بیان میں کہا گیا ہے کہ نائب صدر وانس ان کی اہلیہ اور بچے 18تا 24اپریل اٹلی اور بھارت کا دورہ کریں گے ان کی ہندو اہلیہ اوشا، بچے ایوان ، ویوک اور میرابیل ان کیساتھ ہونگے ۔
اہم خبریں سے مزید