• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق چیف جسٹس تصدق جیلانی 2025 کے بولچ پرائز کے حقدار قرار

آج کا اخبار
اہم خبریں
17 اپریل ، 2025
کراچی (نیوز ڈیسک) امریکا کی ڈیوک یونیورسٹی کے بولچ جوڈیشل انسٹیٹیوٹ نے پاکستان کے 21ویں چیف جسٹس تصدق حسین جیلانی کو 2025کے بولچ پرائز فار دی رول آف لا سے نوازنے کا اعلان کیا ہے۔ یہ اعزاز ان کی انسانی حقوق، مذہبی آزادی، صنفی مساوات، جمہوریت اور عدلیہ کی آزادی کے فروغ میں غیر معمولی خدمات کے اعتراف میں دیا جا رہا ہے۔ جسٹس ریٹائرڈ تصدق حسین جیلانی کو یہ اعزاز ڈیوک یونیورسٹی میں ہونے والی تقریب میں پیش کیا جائے گا، بولچ پرائز ہر سال اُن افراد یا اداروں کو دیا جاتا ہے جو دنیا بھر میں قانون کی حکمرانی کے اصولوں کو فروغ دینے میں غیر معمولی خدمات انجام دیتے ہیں۔ جسٹس ریٹائرڈ تصدق حسین جیلانی نے 1994سے 2014تک پاکستان کی اعلیٰ عدلیہ میں خدمات انجام دیں، جہاں انہوں نے خواتین اور اقلیتوں کے حقوق کے تحفظ اور جمہوری اقدار کے فروغ کے لیے کئی اہم فیصلے دیے۔ 2007میں انہوں نے اس وقت کے صدر جنرل پرویز مشرف سے وفاداری کا حلف لینے سے انکار کیا جس پر اُنہیں سپریم کورٹ چھوڑنے پر مجبور کر دیا گیا۔ تاہم 2008میں وکلا تحریک کے نتیجے میں عدلیہ کی آزادی بحال ہوئی اور وہ دوبارہ اپنے عہدے پر فائز ہوئے۔
اہم خبریں سے مزید