• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی بیوروکریسی میں تقرر و تبادلے رضوان شیخ ایڈیشنل سیکریٹری سائنس و ٹیکنالوجی ڈویژن تعینات

آج کا اخبار
اہم خبریں
22 اپریل ، 2025
اسلام آ باد (رانا غلام قادر ) وفاقی بیوروکریسی میں تقرر و تبادلے کئے گئے ہیں۔ سیکریٹریٹ گروپ کے گریڈ 21 کے افسر اور سینئر جوائنٹ سیکریٹری، سائنس و ٹیکنالوجی ڈویژن رضوان احمد شیخ کو تبدیل کر کے ایڈیشنل سیکریٹری سائنس و ٹیکنالوجی ڈویژن تعینات کیا گیا ہے جبکہ جوائنٹ سیکریٹری، انسانی حقوق ڈویژن نبیلہ عمر کا تبادلہ کر کے اُنہیں صنعت و پیداوار ڈویژن کے ماتحت ادارے ایکسپورٹ پروسیسنگ زونز اتھارٹی میں ڈائریکٹر (فنانس) تعینات کیا گیا ہے۔ علاوہ ازیں ڈائریکٹر جنرل کینابیس کنٹرول اینڈ ریگولیٹری اتھارٹی میجر جنرل (ر) ظفر اللہ خان کی 16 اپریل سے 24 اپریل 2025 تک بیرونِ ملک دورے کے باعث رخصت منظور کی گئی ہے۔ دریں اثناء ڈیپوٹیشن پر تعینات ڈپٹی سیکریٹری وزارتِ تجارت محمد عارف اللہ کی خدمات وزارتِ تجارت کو اور سیکشن افسر خزانہ ڈویژن محمد اسماعیل خان کی خدمات سنٹرل ڈائریکٹوریٹ آف نیشنل سیونگز کو واپس کی گئی ہیں۔ اسٹیبلشمنٹ ڈویژن نے تقرر و تبادلوں کے باضابطہ نوٹیفکیشن جاری کر د یے ہیں۔
اہم خبریں سے مزید