• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

CISS کے زیر اہتمام جوہری بازدارانہ حکمت عملی پر عالمی کانفرنس کا انعقاد

آج کا اخبار
اہم خبریں
23 اپریل ، 2025
اسلام آباد (رپورٹ: حنیف خالد)سینٹر فار انٹرنیشنل اسٹریٹجک اسٹڈیز (CISS)، اسلام آباد کے زیر اہتمام دو روزہ بین الاقوامی کانفرنس بعنوان "ابھرتی ہوئی ٹیکنالوجیز کے دور میں Nuclear Deterrence حکمت عملی" کا انعقاد کیا گیا، جس میں دنیا بھر سے ممتاز ماہرین اور دانشوروں نے شرکت کی۔ جنرل ساحر شمشاد مرزا کا جنوبی ایشیا میں امن کے لیے باہمی تعاون اور توازن پر زور دیا اس کانفرنس کا مقصد عالمی اسٹریٹجک امور پر تعمیری مکالمے کو فروغ دینا اور پاکستان کے جوہری پالیسی مؤقف کو عالمی برادری کے سامنے پیش کرنا تھا۔کانفرنس کے پہلے دن چیئرمین جوائنٹ چیفس آف اسٹاف کمیٹی، جنرل ساحر شمشاد مرزا، نشانِ امتیاز (ملٹری) مہمانِ خصوصی تھے، جنہوں نے افتتاحی خطاب کیا۔ انہوں نے ابھرتی ہوئی ٹیکنالوجیز سے پیدا ہونے والے نئے چیلنجز پر روشنی ڈالتے ہوئے کہا کہ ان سے نمٹنے کے لیے عالمی سطح پر مسلسل مکالمہ اور تعاون ناگزیر ہے۔ انہوں نے اس بات پر زور دیا کہ جنوبی ایشیا میں پائیدار امن اور استحکام صرف باہمی اقدامات، جوہری خطرات میں کمی، اور وسیع الجغرافیائی تناظر میں توازن کے قیام سے ہی ممکن ہے۔
اہم خبریں سے مزید