• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیاسی جماعتوں اور وکلاء سے گزارش ہے سڑکیں کھول دی جائیں، شرجیل میمن

آج کا اخبار
اہم خبریں
28 اپریل ، 2025
کراچی (اسٹاف رپورٹر )سندھ کے سینئر وزیر شرجیل انعام میمن نے کہا ہے کہ متنازعہ نہروں کا مسئلہ چیئرمین بلاول بھٹو زرداری کی قیادت میں حل ہو چکا ہے، چیئرمین بلاول بھٹو زرداری کی انتھک محنت اور موثر حکمت عملی کے باعث اب یہ مسئلہ مکمل طور پر ختم ہو چکا ہے۔ ایک بیان میں سندھ کے سینئر وزیر نے کہا ہے کہ 2 مئی کو مشترکہ مفادات کونسل (سی سی آئی) کے آفیشل اجلاس کے بعد یہ معاملہ ہمیشہ ہمیشہ کے لیے دفن ہو جائے گا۔ انہوں نے کہا کہ تمام سیاسی جماعتوں اور وکلاء برادری سے گزارش ہے کہ سڑکیں کھول دی جائیں، سڑکوں کو فوری طور پر کھول کر گڈز ٹرانسپورٹ کی روانی کو یقینی بنایا جائے تاکہ کسی کو مزید مالی یا معاشی نقصان نہ ہو۔انہوں نے کہا کہ بندشوں کی وجہ سے عوام، مال مویشی، امپورٹ ایکسپورٹ، کسانوں اور غریب طبقات کو شدید نقصان پہنچ رہا ہے۔ اگر دھرنے ختم کیے جائیں تو یہ زیادہ بہتر ہوگا، اگر دھرنے جاری رکھے جا رہے ہیں تو کم از کم سڑکیں کھول دی جائیں تاکہ ٹریفک کی روانی متاثر نہ ہو۔ سینئر وزیر شرجیل انعام میمن نے کہا کہ احتجاج کو پرامن دائرے میں رکھا جائے تاکہ عوام کی زندگی معمول پر آ سکے، ہم وکلاء برادری اور تمام سیاسی جماعتوں سے رابطے میں ہیں۔
اہم خبریں سے مزید