• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوبائی وزیراطلاعات کا سندس فاؤنڈیشن کا دورہ، بچوں میں تحائف تقسیم

میرا شہر
لاہور
28 اپریل ، 2025
لاہور(خصوصی نمائندہ)وزیر اطلاعات پنجاب عظمیٰ بخاری نے سندس فاؤنڈیشن کا دورہ کیا ، انہوں نے تھیلیسیمیا کے مریض بچوں کی عیادت کی، ان کے ساتھ وقت گزارا اور ان میں تحائف تقسیم کیے ، عظمیٰ بخاری نے بچوں پر دستِ شفقت رکھا اور ان کے عزم و حوصلے کو سراہا۔ عظمیٰ بخاری نے زیرعلاج ایک بچی کو وزیراعلیٰ پنجاب مریم نواز کی جانب سے خصوصی طور پر سکوٹی کا تحفہ بھی پیش کیا، جس پر بچے اور ان کے اہل خانہ نے خوشی کا اظہار کیا۔عظمیٰ بخاری نے سندس فاؤنڈیشن کو معروف صحافی منو بھائی کا عظیم کارنامہ قرار دیتے ہوئے کہا کہ منو بھائی نے نہ صرف صحافت کے میدان میں گراں قدر خدمات انجام دیں بلکہ تھیلیسیمیا کے مریض بچوں کے لیے جو کام کیا، وہ خراج تحسین کے لائق ہے۔ انہوں نے کہاکہ پنجاب حکومت تھیلیسیمیا سمیت دیگر مہلک بیماریوں کے شکار بچوں کی فلاح و بہبود کے لیے ہر ممکن اقدامات جاری رکھے گی۔
لاہور سے مزید