نئی دہلی (این این آئی )کانگرس رہنما مشرقی پنجاب کے سابق وزیراعلی چرن جیت سنگھ چنی نے بالاکوٹ سرجیکل اسٹرائیکس کا ثبوت بھی طلب کر لیا۔بھارتی ٹی وی کے مطابق انہوں نے کہا کہ آج تک بالاکوٹ سرجیکل اسٹرائیکس کا کوئی ثبوت نہیں ملا، پاکستان میں کہاں حملے ہوئے؟ کہاں لوگ مارے گئے؟ کیا اگر ہمارے ملک میں بم گرے تو ہمیں پتہ نہیں چلے گا۔ سردار چرن جیت سنگھ چنی نے کہا کہ2019میں کہیں کچھ نہیں ہوا،کہیں کوئی حملہ نہیں ہوا۔بی جے پی نے جوابی کارروائی کے طور پر کانگریس ورکنگ کمیٹی کو پاکستان ورکنگ کمیٹی قرار دے دیا، بی جے پی ترجمان سمبت پترا نے کہا کہ کانگریس دہشت گردوں اور پاکستانی فوج کو آکسیجن فراہم کر رہی ہے جب کہ بی جے پی کے قومی ترجمان شاہنواز حسین نے کانگرس کو پاکستان پرست پارٹی قرار دے دیا۔
فرمان الہی
نماز کے اوقات
