فرمان الہی
نماز کے اوقات
کیا شادیوں میں نوٹ نچھاور کرنا محض دکھاوا ہے؟ عرفان احسن نے اصلیت بتادی۔
پاکستان کے معروف ویڈنگ فوٹوگرافر عرفان احسن جنہوں نے عاطف اسلم اور جنید صفدر جیسے مشہور چہروں کی شادیوں کو کور کیا ہے، انہوں نے ایک چونکا دینے والا انکشاف کیا ہے۔
شادیوں میں نوٹ نچھاور کرنے کا کلچر عام ہو چکا ہے، دلہا دلہن پر، قوالوں پر یا ڈانسرز پر نوٹ پھینکنا اب ایک "فیشن" بن چکا ہے۔
عرفان احسن نے انکشاف کیا ہے کہ اکثر اوقات یہ نوٹ نچھاور کرنے کی رسم محض کیمروں کے لیے ہوتی ہے، یہ نوٹ فنکاروں کو دیے ہی نہیں جاتے۔
عرفان نے ایک ایلیٹ شادی کا واقعہ سنایا کہ قوالوں سے کہا گیا کہ زمین پر گرنے والے نوٹ نہ اٹھائیں، سب نوٹ اکٹھے کر کے بعد میں ادا کیے جائیں گے، خاندان کے مرد حضرات نے کروڑوں روپے ہوا میں اڑانے کے بعد تھیلوں میں بھر لیے اور آخر میں قوالوں کو ایک روپیہ بھی نہیں دیا گیا۔
انہوں نے یہ بھی انکشاف کیا کہ معروف گلوکار ملکوں کو ایک شادی میں جعلی کرنسی دی گئی، وہ انہی نوٹوں سے گاڑی کا پیٹرول ڈلوانے گئے تو پولیس نے روک لیا اور پتہ چلا کہ تمام نوٹ جعلی تھے۔
عرفان کی ٹیم کے مطابق ان شادیوں میں جو ڈالرز پھینکے جاتے ہیں، وہ ہمیشہ ایک ڈالر کے نوٹ ہوتے ہیں بڑے نوٹ کبھی استعمال نہیں ہوتے۔
