• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دودھ میں وافر مقدار میں پانی کی ملاوٹ پر 8 شیر فروش گرفتار

میرا شہر
پشاور
16 مئی ، 2025
پشاور ( وقائع نگار ) ضلعی انتظامیہ پشاور نے محکمہ لائیوسٹاک کے ہمراہ چارسدہ روڈ پر مختلف علاقوں میں15 شیر فروشوں کی دکانوں میں دودھ کا لائیو سٹاک کی جدید موبائل لیبارٹری کے زریعے معائنہ کیا۔ معائنے کے دوران دودھ میں وافر مقدار میں پانی کی ملاوٹ پر 08 شیر فروشوں کو گرفتارکر لیا گیا۔ جن کے خلاف قانونی کارروائی عمل میں لائی جائے گی۔ڈپٹی کمشنر پشاور سرمد سلیم اکرم کے مطابق پشاور میں ضلعی انتظامیہ متحرک ہے اور باقاعدگی سے شیر فروشوں کی دکانوں میں دودھ کا معائنہ کیا جا تا ہے۔ انھوں نے انتظامی افسران کو اپنے علاقوں میں شیر فروشوں کی دکانوں میں دودھ کا معائنہ کرنے کی ہدایت کی ہے اور ملاوٹ ثابت ہونے پر قانونی کارروائی کا حکم دیا ہے۔
پشاور سے مزید