فرمان الہی
نماز کے اوقات
کراچی ( جنگ نیوز) بھارت نے پاکستان کے خلاف ایک بھرپور اور مربوط سفارتی پروپیگنڈا مہم شروع کر دی ہے جس کے تحت 51ارکان پارلیمنٹ پر مشتمل 7 کثیر جماعتی وفود تشکیل دے کر انہیں درجن بھر ممالک میں بھیجاجائےگا تاکہ پاکستان پر دباؤ بڑھایاجاسکے۔ ان وفود میں سے ششی تھرور امریکا جانے والے وفد، سولے قطر جانے والے وفد اور کانی موزی روس بھیجے جانے والے وفد کے سربراہ ووں گے۔ ان میں سے ہر وفد کی قیادت بھارتی پارلیمنٹ کا کوئی سینئررکن کر رہا ہوگا۔ ہر وفد میں 8 سے 9 افراد شامل ہوں گےجن کا تعلق مختلف سیاسی جماعتوں سے ہے ان میں سابق سفارتکار اور پالیسی ماہرین شامل تھے۔ بھارتی وزارت خارجہ کے بیان کے مطابق اس کوشش سے دہشتگردی کے خلاف بھارت کے مشترکہ عزم کی عکاسی ہوتی ہے۔ بھارتی یونین منسٹر برائے پارلیمانی امور کیرن ریجیجو نے ارکان پارلیمنٹ کے ساتوں وفود کی حتمی فہرست کو اپ ڈیٹ کرتے ہوئے کہا کہ ’’ ایک مشن ہے، ایک پیغام ہے اور ایک بھارت ہے۔‘‘ یہ ٹیمیں دنیا بھر کا سفر کرین گی اوردہشتگردی کے خلاف بھارت کا متحدہ موقف مضبوط بنائیں گی۔ ان میں سے گروپ ون بی جے پی کے رکن پارلیمنٹ باجیانت پانڈا کی سربراہی میں سعودی عرب، کویت، بحرین اور الجزائر جائے گا۔
