• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹاؤنز اور یوسیز کو ترقیاتی بجٹ جاری کیے جائیں، منعم ظفر خان

آج کا اخبار
اہم خبریں
24 مئی ، 2025
کراچی (ا سٹاف ر پورٹر)امیر جماعت اسلامی کراچی منعم ظفر خان کی قیادت میں جماعت اسلامی کے منتخب نمائندوں نے سندھ حکومت کی جانب سے بلدیاتی اداروں کو نچلی سطح پر اختیارات منتقل نہ کرنے، فنڈز کی عدم فراہمی اور اہل کراچی کے حق اور مسائل کے حل کے لیے جمعہ کو مسجد ِ خضراء تا سندھ اسمبلی بلڈنگ تک احتجاجی مارچ کیا، مارچ میں اپوزیشن لیڈر کے ایم سی سیف الدین ایڈوکیٹ، ٹاؤن چیئرمینوں، یوسی چیئر مینوں، سٹی کونسل کے اراکین اور کونسلرز نے بڑی تعداد میں شرکت کی۔ مارچ کے شرکاء نے وزیر اعلیٰ، وزیر بلدیات اور قابض میئر کے خلاف اور اپنے مطالبات کے حق میں مختلف بینرز و پلے کارڈز اُٹھائے ہوئے تھے، منعم ظفر خان نے سندھ اسمبلی بلڈنگ کے سامنے شرکاء سے خطاب کرتے ہوئے مطالبہ کیاہے کہ ٹاؤنز ویوسی کو ترقیاتی بجٹ جاری کیے جائیں، ٹاؤن کو 2ارب اور یوسی کو25لاکھ روپے ماہانہ دیے جائیں،واٹر کارپوریشن اور سالڈ ویسٹ مینجمنٹ کو ٹاؤنز کے ماتحت کیا جائے۔ جماعت اسلامی کے منتخب نمائندے آج سندھ اسمبلی کے باہر احتجاج کر رہے ہیں اسی جگہ ہم نے ”29 روزہ تاریخی دھرنا“ دیاتھا، عید کے بعد ”حقوق کراچی تحریک“ کو مزید تیز کیا جائے گا،گلی،محلے اور شہر کے اہم شاہراہوں پر احتجاج کریں گے۔
اہم خبریں سے مزید