فرمان الہی
نماز کے اوقات
لاہور(اپنے نامہ نگار سے) محکمہ داخلہ پنجاب نے صوبہ بھر میں دفعہ 144 نافذ کر دی ہے۔ دفعہ 144 کے نفاذ کا مقصد محرم الحرام کے دوران امن و امان کا قیام یقینی بنانا اور اشتعال انگیزی کی روک تھام ہے۔محرم کے منظور شدہ جلوسوں، مجالس کے علاوہ نئی اختراع نہیں ہو گی،نویں دسویں کوڈبل سواری پرپابندی ،نوٹیفکیشن جاری، محکمہ داخلہ پنجاب کے جاری کردہ نوٹیفکیشن کے مطابق پنجاب بھر میں یکم سے 10 محرم الحرام بمطابق 27 جون تا 6 جولائی دفعہ 144 نافذ رہے گی۔ دفعہ 144 کے تحت پنجاب میں 7 قسم کی پابندیاں عائد کی گئی ہیں۔ محرم الحرام کے منظور شدہ جلوسوں اور مجالس کے علاوہ کوئی نئی اختراع نہیں ہو گی۔ جاری کردہ حکم نامے کے مطابق مجاز اتھارٹی کی اجازت کے بغیر عوامی مقامات پر ہر قسم کے ہتھیار اور آتش گیر مواد کی نمائش پر پابندی عائد کی گئی ہے۔ ترجمان نے بتایا کہ عوامی جذبات، عقیدوں اور فرقوں کو بھڑکانے والے اشتعال انگیز نعروں اور اشاروں پر مکمل پابندی عائد کی گئی ہے۔
