فرمان الہی
نماز کے اوقات
اقوامِ متحدہ کے تحت 2025 کا سال ’’بین الاقوامی کوآپریٹو سال‘‘ قرار، دنیا بھر سے 500 سے زائد مہمان راچڈیل پہنچ گئے۔
اس ہفتے راچڈیل اور مانچسٹر عالمی کوآپریٹو تحریک کے مرکز بنے ہوئے ہیں۔ دنیا کے مختلف ممالک جیسے ارجنٹینا، آرمینیا، جنوبی افریقہ اور سری لنکا سے 500 سے زائد مندوبین یہاں پہنچ چکے ہیں تاکہ اقوام متحدہ کی جانب سے منائے جانے والے بین الاقوامی کوآپریٹو سال 2025 کی تقریبات میں شرکت کر سکیں۔
تاریخی پس منظر: راچڈیل کو کوآپریٹو تحریک کی جائے پیدائش سمجھا جاتا ہے۔ 1844 میں یہاں Rochdale Pioneers نے جدید کوآپریٹو ماڈل کی بنیاد رکھی تھی۔ اس تاریخی موقع کی مناسبت سے Co-op Group اور Co-operatives UK کی مدد سے تقریبات کا انعقاد کیا گیا ہے۔
تقریبات میں شامل اہم سرگرمیاں: Co-op Congress کا انعقاد تاریخی راچڈیل ٹاؤن ہال میںعوامی پروگرامز، ورکشاپس، فلم اسکریننگ، شہری باغبانی شامل ہیں۔
تاریخی دورے: راچڈیل پائینیئرز میوزیم اور مانچسٹر کا Co-op Quarter، عالمی شراکت داریوں کی نمائش، جیسے Malawi Partnership ہیں۔
مقررین میں مشہور اداکار و کامیڈین اسٹیو کوگن اور مانچسٹر کے میئر اینڈی برنہم شامل ہیں۔
کوآپریٹو رہنماؤں کے تاثرات: روز مارلے (CEO, Co-operatives UK):’’یہاں واپس آنا جہاں سب کچھ شروع ہوا، نہایت مؤثر تجربہ ہے۔ کوآپریٹو نظام نے صنعتی دور کی مشکلات سے جنم لیا تھا، اور آج بھی اس کی بنیادی اقدار جیسے انصاف، خود انحصاری، اور کمیونٹی کی اہمیت باقی ہے۔‘‘
شیرین خوری-حق (چیف ایگزیکٹو، Co-op Group):کا کہنا ہے کہ راچڈیل میں قائم ہونے والی اقدار آج بھی ہمارے کام کی بنیاد ہیں۔ کوآپریٹو نظام دنیا بھر میں مساوی اور پائیدار معیشت کے قیام میں مدد دے رہا ہے۔
عالمی کوآپریٹو فنڈ: International Co-operative Development Fund کا آغاز دسمبر 2024 میں راچڈیل پائینیئرز میوزیم میں ہوا یہ فنڈ دنیا بھر کی کوآپریٹو تنظیموں کو مالی و تکنیکی مدد فراہم کرے گا ہنگامی حالات، بحران کے بعد بحالی اور پائیدار ترقی کے منصوبے اس فنڈ کے ذریعے ممکن ہوں گے۔
مقامی حکومت کا خیرمقدمی بیان: کونسلر سو اسمتھ (راچڈیل کونسل): نےکہا کہ ہم دنیا بھر سے آئے ہوئے مہمانوں کو خوش آمدید کہنے پر فخر محسوس کرتے ہیں۔ یہ موقع نہایت اہم ہے، خاص طور پر جب راچڈیل کو ’گریٹر مانچسٹر ٹاؤن آف کلچر‘ کا اعزاز بھی حاصل ہے۔
خلاصہ: کوآپریٹو تحریک کی 180 سالہ سالگرہ کے موقع پر راچڈیل ایک بار پھر دنیا بھر میں اتحاد، انصاف، اور برابری کا پیغام دے رہا ہے۔ یہ تقریبات ماضی کی یاد دہانی کے ساتھ ساتھ مستقبل کے لیے راہیں بھی روشن کر رہی ہیں۔
