• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ممکنہ سیلاب سے بچائو، ڈویژن بھر میں پیشگی اقدامات کا آغاز، ایمرجنسی پلان تیار

میرا شہر
ملتان
10 جولائی ، 2025
ملتان(سٹاف رپورٹر) ممکنہ سیلاب سے بچاؤ کیلئے ڈویژن بھر میں پیشگی اقدامات کا آغاز، ڈویژنل و ضلعی انتظامیہ ریسکیو اداروں نے مشترکہ ایمرجنسی پلان تشکیل دے دیا،اس سلسلے میں کمشنر عامر کریم خاں کی صدارت میں دریائی و شہری فلڈ بارے اداروں کا مشترکہ اجلاس منعقد ہوا جس میں سیلاب اور مون سون کے حوالےسے اقدامات کا جائزہ لیا گیا،کمشنر نے کہا کہ سیلاب کا فی الحال کوئی خطرہ نہیں تاہم انتظامات مکمل ہیں، ضلعی انتظامیہ حفاظتی بندوں پر قائم تجاوزات کے فوری خاتمے کے اقدامات کرے،اسسٹنٹ کمشنرز کی سربراہی میں سروے ٹیمیں تشکیل دیکر دریائی علاقوں کی انسپکشن کی جائے،کمشنر نے مون سون میں واسا سمیت تمام متعلقہ اداروں کو الرٹ رہنے کا بھی حکم دیدیا، انہوں نے کہا کہ مون سون کے سلسلے میں واسا،ریسکیو اور متعلقہ ادارے مشینری کو مکمل فعال رکھیں، واسا کے تمام ڈسپوزل سٹیشن اور سیوریج سسٹم کی مکمل انسپکشن کی جائے، تمام نالیاں ڈرینز صاف کروائی جائیں، نشینی علاقوں کی جیو ٹیگنگ، مکمل کلیرنس کا لائحہ عمل تیار رکھا جائے،نشیبی علاقوں کے قریب واسا اپنے کیمپ لگائے، اجلاس میں ڈپٹی کمشنر وسیم حامد سندھو، متعلقہ حکام جبکہ ویڈیو لنک پر ڈپٹی کمشنرز، دیگر افسرن موجود تھے۔
ملتان سے مزید