• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برطانیہ، پاکستانی طلبہ اور پیشہ ور افراد کیلئے ای ویزا کی سہولت کا آغاز

آج کا اخبار
اہم خبریں
16 جولائی ، 2025
اسلام آباد(فاروق اقدس)برطانیہ، پاکستانی طلبہ اور پیشہ ور افراد کیلئے ای ویزا کی سہولت کا آغاز،برطانیہ میں 6 ماہ سے زیادہ قیام کا ارادہ رکھتے والے  طلبہ اور کارکن  درخواست دینے کے اہل ،دو دن قبل پاکستان اور برطانیہ کے درمیان باضابطہ طور پر ٹریڈ ڈائیلاگ میکنزم معاہدے پر دستخط اور یو کےپاکستان بزنس ایڈوائزری کونسل کے قیام پر اتفاق کیا تاکہ دوطرفہ اقتصادی تعاون کو ادارہ جاتی شکل دی جا سکے،اس اتفاق رائے کے بعد دونوں ملکوں کے درمیان ایک اہم پیشرفت سامنے آئی ہے جس کے مطابق برطانوی حکومت زیادہ تر طلبہ اور پیشہ ور افراد کے ویزوں کے لیے فزیکل امیگریشن دستاویزات کی جگہ ڈیجیٹل امیگریشن اسٹیٹس، یعنی ای ویزا سہولت کا آغاز کر رہی ہے ،منگل کو برطانوی ہائی کمشنر جین میریٹ نے سوشل میڈیا پلیٹ فارم ’ایکس‘ پر کہا کہ یہ سہولت ان زیادہ تر طلبہ اور کارکنوں کیلئے ہے، جو 6 ماہ سے زیادہ عرصے کے لیے درخواست دے رہے ہیں۔ہائی کمیشن نے وضاحت کی کہ ای-ویزا دراصل برطانیہ میں کسی فرد کی امیگریشن اجازت کا ایک آن لائن ریکارڈ ہوتا ہے، جو ویزا کے عمل کو زیادہ آسان اور محفوظ بناتا ہے، ای،ویزا آزمودہ نظام ہے، جسے لاکھوں افراد مخصوص امیگریشن راستوں پر پہلے ہی استعمال کر رہے ہیں،برطانوی حکومت کا منصوبہ ہے کہ اس اسکیم کو تمام ویزا درخواستوں تک توسیع دی جائے۔برٹش ہائی کمیشن نے ای-ویزا کے لیے اہلیت کی وضاحت کی ہے کہ طلبہ، بشمول 11 ماہ کے مختصر المدتی مطالعے والے طلبہ، گلوبل سینئر یا ماہر کارکن، گریجویٹ ٹرینی، یو کے ایکسپنشن ورکر، سروس سپلائر، سکینڈمنٹ ورکر، گلوبل ٹیلنٹ، انٹرنیشنل اسپورٹس پرسن، اسکلڈ ورکر (بشمول صحت اور نگہداشت کے شعبے کے کارکن)، چیریٹی ورکر، تخلیقی کام کرنے والے، گورنمنٹ آتھورائزڈ ایکسچینج، انٹرنیشنل ایگریمنٹ، مذہبی کام کرنے والے، یوتھ موبلٹی اسکیم سے منسلک افراد ای ویزا کے لیے اہل ہوں گے۔
اہم خبریں سے مزید