• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اکتوبر کے ابتداء میں حمیرا اصغر نے بھائی سے بھی رابطے کی کوشش کی

آج کا اخبار
اہم خبریں
16 جولائی ، 2025
کراچی ( اسٹاف رپورٹر )ڈیفنس فیز 6 سے ملنے والی اداکارہ حمیرا اصغر کی لاش ملنے کے واقعہ کی تحقیقات جاری ہیں۔تفتیشی حکام کے مطابق ادکارہ حمیرا اصغر کا مکمل موبائل ڈیٹا حاصل کرلیا گیا۔ تاحال موبائل فون سے کوئی اہم شواہد نہیں ملے ہیں۔ حمیرا اصغر نے 7 اکتوبر 2024کو 14 افراد سے رابطہ کیا اور ان کا فون آخری بار 7اکتوبر کی شام تک استعمال ہوا۔رابطہ کئے گئے افراد میں سے کسی کا جواب نہیں آیا ہوا۔اداکارہ کے 75 نمبرز سے مسلسل رابطے کے شواہد ملے ہیں۔تفتیشی حکام کے مطابق اداکارہ کے فلیٹ سے تین موبائل فونز،ٹیبلیٹ ،ڈائری اور مختلف دستاویزات ملےہیں ۔حمیرا اصغر کے زیر استعمال ٹیبلٹ خراب ہے جسے تاحال نہیں کھولا جا سکا ہے۔ حمیرا اصغر کے نام پر تین سمز تھیں،تینوں سمز تینوں فونز میں لگی ہوئی تھیں۔حمیرا اصغر کے دو موبائل فونز پر کوئی پاسورڈ نہیں تھا جبکہ ڈائری میں ایک موبائل فون اور ٹیبلیٹ کا پاسورڈ لکھا ہوا تھا۔حمیرا اصغر کے تینوں موبائل فونز میں کل 22 سو 15 نمبرز موجود ہیں۔ فون ریکارڈ کے مطابق اکتوبر کے ابتداء میں حمیرا اصغر نے بھائی سے بھی رابطے کی کوشش کی۔
اہم خبریں سے مزید