فرمان الہی
نماز کے اوقات
امریکی اخبار نے دعویٰ کیا ہے کہ امریکی اٹارنی جنرل پام بانڈی اور ان کے نائب نے مئی میں ایک میٹنگ کے دوران صدر ٹرمپ کو بتایا تھا کہ ان کا نام جنسی اسمگلنگ میں ملوث جیفری ایپسٹین کی دستاویزات میں موجود ہے۔
اخبار کے مطابق ٹرمپ کو یہ بھی بتایا گیا تھا کہ کئی دیگر اعلیٰ شخصیات کے نام بھی ہیں مگر محکمہ تحقیقات سے متعلق مزید دستاویزات جاری کرنے کا ارادہ نہیں رکھتا۔
وائٹ ہاؤس نے امریکی اخبار کی خبر کو فیک نیوز قرار دے دیا، وائٹ ہاؤس ترجمان Steven Cheung نے کہا یہ ڈیموکریٹس اور لبرل میڈیا کی طرف سے گھڑی جانے والی جعلی خبروں کے تسلسل کے سوا کچھ نہیں۔
اس سے پہلے ٹرمپ انتظامیہ نے دعویٰ کیا تھا کہ جیفری ایپسٹین نے ان افراد کی فہرست مرتب نہیں کی تھی جنہیں وہ کمسن لڑکیاں فراہم کرتا رہا تھا۔
صدر ٹرمپ کے سابق مشیر ایلون مسک پہلے ہی کہہ چکےہیں کہ فہرست اس لیے جاری نہیں کی جارہی کیونکہ اس میں ٹرمپ کا نام موجود ہے۔
