• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر اعلیٰ پنجاب ہرشعبہ کی بہتری کیلئے اقدامات اٹھا رہی ہیں،سلمان رفیق

میرا شہر
لاہور
27 جولائی ، 2025
لاہور ( جنرل رپورٹر ) وزیر اعلیٰ پنجاب مریم نواز شریف کی ہدایت پر صوبائی وزیر صحت خواجہ سلمان رفیق کی علی پور چھٹہ آمد ہوئی۔ انھوں نےکہا کہ وزیر اعلیٰ پنجاب مریم نواز شریف کی قیادت میں ہر شعبہ کی بہتری کیلئے اقدامات اٹھائے جا رہے ہیں۔ وزیر اعلیٰ پنجاب مریم نواز شریف کی ہدایت پر یہاں حاضر ہوئے ہیں۔ حکومت پنجاب اس قسم کے افسوس ناک حادثات کے تدارک کیلئے بھی اقدامات اٹھا رہی ہے۔ تحصیل علی پور چھٹہ میں پٹرول ایجنسی کے افسوس ناک حادثے میں جاں بحق ہونے والے افراد کے ورثاء میں مالی امداد کی رقم کی تقریب تقسیم کا انعقاد بھی کیا گیا۔ اس موقع پر وزیر اعلیٰ پنجاب ٹاسک فورس برائے سکلز ڈویلپمنٹ اتھارٹی و رکن پنجاب اسمبلی عدنان افضل چھٹہ، ڈپٹی کمشنر گجرانوالہ، اسسٹنٹ کمشنر وزیر آباد، چیئرمین حضرات و دیگر معززین علاقہ نے شرکت کی۔ جاں بحق افراد کیلئے فاتحہ خوانی بھی کی گئی۔
لاہور سے مزید