فرمان الہی
نماز کے اوقات
امریکا کی ریاست نیویارک میں مسلح شخص نے فائرنگ کرکے پولیس افسر سمیت 4 شہریوں کو ہلاک کردیا۔
مڈٹاؤن مین ہٹن میں پیش آئے اس واقعے میں ایک شہری کی حالت تشویش ناک ہے جبکہ ایک پولیس افسر اور دوسرے شہری کو کمر میں گولیاں لگیں تاہم ان کی حالت خطرے سے باہر ہے۔
پولیس کمشنر کا کہنا ہے کہ حملہ آور تنہا تھا۔ مسلح شخص ستائیس برس کا لاس ویگاس کا رہائشی نکلا۔
امریکی میڈیا کے مطابق ملزم کا مجرمان پس منظر نہیں تھا۔ وہ ہوائی میں پیدا ہوا اور نیواڈا منتقل ہوگیا تھا۔ اس کے پاس ہینڈ گن کا لائسنس تھا اور پرائیویٹ تفتیش کار کا بھی لائسنس تھا جس کی مدت ختم ہوچکی تھی۔
میڈیا رپورٹس کے مطابق مسلح شخص نے خود کو گولی مار کر موت کے گھاٹ اتارا ہے۔
عینی شاہدین کا کہنا ہے کہ ایک شخص لمبی بندوق لے کر عمارت میں داخل ہوا تھا۔ یہ چھ سو چونتیس فٹ بلند عمارت پارک ایونیو پر واقع ہے اور اس میں نیشنل فٹ بال لیگ اور بلیک اسٹون کے کارپوریٹ دفاتر بھی ہیں۔ اس عمارت کی سیکیورٹی غیرمعمولی طور پر زیادہ ہوتی ہے۔
امریکا میں اس سال یہ فائرنگ سے اجتماعی اموات کا دو سو چوون واں واقعہ ہے۔
