• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہم چاہتے ہیں جنگ سب کےلیے بہتر انداز میں ختم ہو، ڈونلڈ ٹرمپ

امریکی صدر ڈونلڈ ٹرمپ کا کہنا ہے کہ ہم چاہتے ہیں جنگ سب کے لیے بہتر انداز میں ختم ہو، میرا خیال ہے روسی صدر بھی جنگ کا خاتمہ چاہتے ہیں۔

یوکرینی صدر زیلنسکی وائٹ ہاؤس پہنچے تو امریکی صدر ڈونلڈ ٹرمپ نے ان کا استقبال کیا۔

ڈونلڈ ٹرمپ نے کہا کہ یوکرین میں جنگ روکنے کا اچھا موقع ہے، یوکرین کے لوگوں کی خوشحالی چاہتے ہیں، معاملات ٹھیک رہے تو یوکرین اور روسی صدور کے ساتھ سہ فریقی میٹنگ کریں گے، نہیں چاہتا کہ معاملہ سال دو سال کے لیے حل ہو اور پھر لڑائی شروع ہو جائے۔

یوکرینی صدر نے کہا کہ جنگ کے خاتمے کے لیے صدر ٹرمپ کے سفارتی راستے کی حمایت کرتے ہیں، ہمیں جنگ کے خاتمے کی حمایت کرنی چاہیے، ہم کیسے محفوظ رہ سکتے ہیں ہمیں اپنی سیکیورٹی کی ضمانت چاہیے۔

ڈونلڈ ٹرمپ نے کہا کہ یوکرین کے لوگوں کی خوشحالی چاہتے ہیں، ہم روس اور یوکرین کے درمیان دیرپا امن قائم کریں گے، روس یوکرین کے درمیان جنگ ختم ہوگی، کب ہوگی یہ نہیں بتا سکتا، چاہتا ہوں دنیا میں امن ہو سب تجارت کریں۔

انہوں نے یہ بھی کہا کہ امن قائم کرنے اور برقرار رکھنے کے لیے روس، یوکرین اور باقی سب کے ساتھ مل کر کام کریں گے، یوکرین یورپی رہنماؤں سے ملاقات میں سیکیورٹی ضمانتوں پر بات کروں گا، ملاقاتوں کے بعد روسی صدر سے فون پر بات کروں گا۔

خیال رہے کہ ڈونلڈ ٹرمپ روس یوکرین جنگ رُکوانے کے مشن پر ہیں، پچھلے ہفتے صدر ٹرمپ نے الاسکا میں روسی صدر پیوٹن سے ملاقات کی تھی۔ آج کی ملاقات سے پہلے ٹرمپ نے زیلنسکی کو جنگ بندی کی شرائط سے آگاہ بھی کردیا۔

بین الاقوامی خبریں سے مزید